நூல் நயம்: தோழமை கனிந்த வரிகள்

திருவண்ணாமலை மாவட்ட ஆட்சியராக இருக்கும் தெ.பாஸ்கரபாண்டியன், திருப்பத்தூர் மாவட்ட ஆட்சியராக இருந்தபோது, தமிழ் - அறிவியல் ஆசிரியர்களுக்காக மாவட்ட அளவில் நடத்தப்பட்ட பயிலரங்கம் ஒன்றில் ஆற்றிய உரையின் தொகுப்பாக வெளிவந்துள்ள குறுநூல் இது.

‘கல்வி என்பது கற்றுக்கொடுப்பது மட்டுமல்ல; கற்றுக்கொள்வதும்தான்’ என்று கல்வியாளர்கள் சொல்வதில் உள்ள ஆழ்ந்த பொருளை உள்வாங்கியதன் வெளிப்பாடாகத் தெளிந்த சிந்தனையோடு, சமூகத்தின் வளர்ச்சியில் கல்வியின் தேவை குறித்தும், ஆசிரியர்களின் பணி குறித்தும் மிகுந்த அக்கறையோடு தனது உரையில் குறிப்பிட்டுள்ளார் நூலாசிரியர்.