நம்பிக்கை விதைக்கும் புதிய பதிப்பு முகங்கள்

நூறாண்டுகளைக் கடந்த தமிழ் நிலத்தின் பதிப்புத் துறை, இந்திய விடுதலைப் போராட்டக் காலத்திலிருந்து இன்றைய சமூகப் பண்பாட்டு, அரசியல் தளத்தில் பெரும் தாக்கம் செலுத்துகின்ற துறை என்பது அனைவருக்கும் தெரிந்ததே. நான்கு தலைமுறையாகப் பதிப்புலகில் காலூன்றியிருப்பவர்கள், இரண்டு-மூன்று தலைமுறை வாசகர்களைத் தமக்கெனக் கொண்டவர்கள் என்று பதிப்புத் துறையில் ஆளுமை செலுத்தி வரும் பதிப்பகங்கள் பலவும் உண்டு. 2010க்குப் பிறகு இந்தத் துறையில் நுழைந்த நானும் எனக்கு மூத்தவர்களும் டிஜிட்டல் யுகம் எனும் மிகப் பெரிய தொழில்நுட்ப வலைப்பின்னலில் நித்தமும் உருமாறிக்கொண்டிருக்கும் பதிப்புச் சாத்தியங்கள் குறித்த எதிர்கால அச்சங்களை எதிர்கொண்டுதான் வருகிறோம்.