நூல் நயம்: அறியப்படாத உலகின் அரிய குரல்

சிறு தொழில் நசிவு பற்றியும், அந்தத் தொழிலை முடக்கும் நுண்ணரசியல் பற்றியும் மையப்படுத்தி ‘குற்றியலுகரம்’ நாவலை நெய்வேலி பாரதிக்குமார் எழுதியிருக்கிறார். பாபு - ஜெனிதா, அறிவழகன்-மலர்விழி என்ற இரண்டு இளம் தம்பதிகளையும், குருராஜன் என்னும் தொழில்முனைவோரையும் முக்கியக் கதாபாத்திரங்களாகக் கொண்டு எழுதப்பட்டிருக்கும் இந்த நாவல், தமிழில் இதுவரை பேசப்படாத புதிய களத்தைக் கண்முன் விரிக்கிறது.குறுந்தொழில் உலகம் என்பது திறன் சார்ந்த தொழிலாளர்கள் என்றேனும் ஒரு நாள் தாமும் ஒரு நிறுவனத்தை உருவாக்க முடியும் என்கிற கனவு காணும் மாய உலகம். அது எப்படித் தந்திரங்களால் சூழப்பட்ட உலகமானது என்பதை நாவல் நுட்பமாகச் சித்தரிக்கிறது; சிறு தொழில்முனைவோருக்கு இடையே நிலவும் உளவியல் சவால்களைச் சொல்கிறது.