போருக்கு இடையில் ஒரு காதல்!

உலகின் முதல் மிகப் பெரிய போராகக் கருதப்படும் முதல் உலகப் போர் குறித்த விரிவான பதிவு இந்நாவல். நோபல் பரிசுபெற்ற புகழ்பெற்ற எழுத்தாளரான எர்னெஸ்ட் ஹெமிங்வே எழுதிய முக்கியமான நாவல் இது. ஹெமிங்வே தமிழ் இலக்கியத்தில் பாதிப்பை ஏற்படுத்திய எழுத்தாளர். அவரது புகழ்பெற்ற ‘கடலும் கிழவனும்’ நாவல் தமிழில் அதிகம் வாசிக்கப்பட்ட மொழிபெயர்ப்பு நாவல்களுள் ஒன்று.

‘போர்கொண்ட காதல்’ அவரது ‘A Farewell to Arms’ என்கிற நாவலின் மொழிபெயர்ப்பு. முதல் உலகப் போர் காலகட்டத்தில் செஞ்சிலுவைச் சங்கத்தில் ஓட்டுநராகச் சேவையாற்றியுள்ளார் ஹெமிங்வே. அந்த அனுபவத்தின் அடிப்படையில் போரின் கொடூரத்தை அருகிலிருந்து பதிவுசெய்துள்ளார்.