நூல் நயம்: விடையை நோக்கிய தேடல்கள்

விடையை நோக்கிய தேடல்கள் பயணங்கள், பயணம் மேற்கொள்பவரின் வாழ்க்கையை மேம்படுத்தும். பயண நூல்களோ, அதை வாசிப்பவரின் வாழ்க்கையையும் மேம்படுத்தும். சாளை பஷீர் எழுதியிருக்கும் இந்தப் பயண நூலும் அப்படிப்பட்டதே. ராபர்ட் ஃப்ராஸ்ட் எழுதிய ‘தேர்வு செய்யப்படாத பாதை’ எனும் கவிதையுடன் இந்நூலை அவர் தொடங்கியுள்ளார்.

அவர் மேற்கொண்ட பயணங்களையும், பயணித்த இடங்களின் சிறப்புகளையும், அங்கே சந்தித்த மனிதர்களையும் தனக்கே உரிய பாணியில் அறிமுகப்படுத்தியுள்ளார். தமது தேடல்களுக்கான விடையைப் பயணங்களிலிருந்து கண்டறிய மனிதர்கள் முயன்றுள்ளார்கள். இந்தக் கட்டுரைகளையும் அப்படிச் சொல்லலாம். - ஹூசேன்