குரூரர்களிடம் இருந்து நம் குழந்தைகளைக் காப்பது எப்படி? - Grooming | A to Z தெளிவுப் பார்வை

இன்றைய நவீன உலகில் தாங்கள் பாதிக்கப்படுகிறோம் என்று தெரியாமலேயே அதிகம் பாதிப்புக்கு உள்ளாகக் கூடியவர்களாக குழந்தைகள் இருக்கிறார்கள். படிப்பு தொடங்கி பொது பொருள்களுக்கான விளம்பரங்கள் வரை அனைத்திற்குமான இலக்குகளாக குழந்தைகள் மாற்றப்பட்டிருக்கிறார்கள். இது குழந்தைகளிடம் அவர்களின் வயதை மீறிய வளர்ச்சிப் போக்கையும், பெரியவர்களிடம் குழந்தைகளை குழந்தைகளாக பார்க்க மறுக்கும் அபாயத்தையும் ஏற்படுத்தியுள்ளது. இன்று குற்றச்செய்திகளில் போக்சோ வழக்குச் செய்திகள் கணிசமான இடத்தை பிடித்திருப்பது இதற்கு சாட்சிகள்.

இந்தச் சூழ்நிலையில், நம்மில் எத்தனை பேர் க்ரூமிங் (Grooming) என்பது குறித்து அறிந்து வைத்திருக்கிறோம். நாம் பார்த்துக் கொண்டிருக்கும்போதே நமது குழந்தைகள் முகம் தெரியாத ஒருவரின் கட்டளைகளுக்கு கீழ்பணிந்து பாதிக்கப்படும் அபாயம் க்ரூமரால் நிகழ்த்திக்காட்ட முடியும்.