உங்கள் நட்புகள் இப்படிப்பட்டவையா?

வாழ்க்கையில் மேம்பட பல முடிவுகளை நாம் எடுக்க வேண்டியிருக்கும். நட்புகளை மதிப்பிடுவது, அவற்றுள் ஒன்று. சில எதிர்மறையான விஷயங்களைத் தொடர்ந்து உங்களுக்குச் செய்துகொண்டு இருக்கும் நபர்களை விமர்சித்துத் திருத்த வேண்டும். இல்லையெனில் அந்த நட்புகளை விட்டு விலகுவது நம் வளர்ச்சிக்கு நல்லது.

அந்த விஷயங்கள் என்னென்ன எனப் பார்க்கலாம். நம் எல்லோருக்கும் சுய மதிப்பு இருக்கும். அந்தச் சுய மதிப்பைக் குறைக்கும் விதத்தில் எப்போது பேசும் நட்புகளைக் கவனிக்க வேண்டும். உதாரணமாக நீ எதற்கும் லாயக்கில்லாதவன் என எப்போதும் பேசும் நட்புகளைத் தவிர்க்க வேண்டும்.