கோடை வெயிலை எதிர்கொள்ள பெண்களுக்கு உகந்த 5 விதமான ஆடைகள்!

கோடைக்காலம் ஆரம்பமானதில் இருந்து வீட்டை விட்டு வெளியே போவதற்கு சற்று சிரமமாக இருந்தாலும், வேலைக்குச் செல்வதையும் கல்லூரிக்குச் செல்வதையும் நிறுத்த முடியாது. ஆனால், வெயிலை நண்பராக மாற்றும் வகையில் கோடைக்கு உகந்த ஆடைகளை அணிந்து வெளியே செல்லலாம். அந்த வகையில் வெயிலுக்கு பெண்களுக்கேற்ற ஆடைகள் குறித்து வழிகாட்டுகிறார், ஆடை வடிவமைப்பாளர் திவ்யா.

“வெயில் காலத்தில் உடைக்கு நாம் கண்டிப்பாக முக்கியத்துவம் தரவேண்டும். வெயிலுக்கு சேராத உடைகளை அணிந்தால் தோல் பிரச்சினை வருவதற்கான வாய்ப்புகள் அதிகமாக உள்ளது. ஜீன்ஸ், லெகின்ஸ் அணிவதை இந்த இரண்டு மூன்று மாதங்களுக்கு தவிர்க்க வேண்டும். புடவை அணிபவராக இருந்தால், காட்டன் புடவைகளை மட்டும் அணிவதுதான் நல்லது. கற்கள் வைத்த புடவைகளையும் அதிக வேலைபாடுகள் இருக்கும் புடவைகளையும் தவிர்க்கலாம்.