எல்லைக் கட்டுப்பாட்டுக் கோட்டருகே ஊடுருவிய 2 தீவிரவாதிகள் சுட்டுக்கொலை

காஷ்மீரின் குப்வாரா பகுதியில் உள்ள எல்லைக் கட்டுப்பாட்டு கோட்டருகே ஊடுருவிய அடையாளம் தெரியாத இரு தீவிரவாதிகள் சுட்டுக் கொல்லப்பட்டனர்.

இந்த சம்பவம் இன்று (சனிக்கிழமை) காலை நடந்துள்ளது.

இதுகுறித்துப் பேசிய ராணுவ செய்தித் தொடர்பாளர், ‘’எல்லைக் கட்டுப்பாட்டுக் கோட்டருகே ராணுவ வீரர்கள் வேலி அமைக்கும் பணியில் ஈடுபட்டிருந்தனர். அப்போது சில தீவிரவாதிகள் அங்கே குறுக்கிட்டனர்.

சில நிமிடங்களில் தீவிரவாதிகள் சுடத் தொடங்கியதும் ராணுவத்தினர் என்கவுன்ட்டர் தாக்குதலில் ஈடுபட்டனர்.

இதில் இரண்டு ஊடுருவலாளர்கள் சுட்டுக் கொல்லப்பட்டனர். தாக்குதல் இன்னும் தொடர்ந்து நடைபெற்று வருகிறது’’ என்றார்.