அதானி விவகாரம் முதல் தங்கம் விலை உயர்வு வரை: செய்தித் தெறிப்புகள் 10 @ பிப்.2, 2023

அதானி விவகாரம்: நாடாளுமன்றத்தில் கடும் அமளி: அதானி குழும விவகாரத்தை எழுப்பி எதிர்கட்சிகள் அமளியில் ஈடுபட்டதால் நாடாளுமன்ற இரு அவைகளும் வியாழக்கிழமை நாள் முழுவதும் ஒத்திவைக்கப்பட்டன. நாடாளுமன்றம் காலை 11 மணிக்கு கூடியதும், சபாநாயகர் ஓம் பிர்லா, ஜாம்பியாவில் இருந்து வந்திருந்த நாடாளுமன்ற குழுவை வரவேற்று கேள்வி நேரத்தைத் தொடங்கினார். இதற்கு எதிர்ப்பு தெரிவித்தும், அதானி குழுமம் முறைகேட்டில் ஈடுபட்டதாக வெளியாகி இருக்கும் ஹின்டண்பர்க் அறிக்கை குறித்து விவாதிக்க வலியுறுத்தியும் எதிர்கட்சி உறுப்பினர்கள் கோஷங்களை எழுப்பினர்.