2022-ன் இந்திய அரசியல் முகங்கள்: ராகுல் முதல் கேஜ்ரிவால் வரை

உலகின் மிகப்பெரிய ஜனநாயக நாடான இந்தியாவின் அரசியல் சுவாரஸ்யமானது. இந்தியாவின் தேர்தல்கள் ஜனநாயகத் திருவிழாக்கள்தான். தேர்தலுக்காக தான் எல்லா அரசியலும் என்றாலும் கூட எந்தக் கட்சி வெகுஜன அபிமானம் பெறுகிறது, எந்தக் கட்சி வெகுஜன விரோதத்தை சம்பாதிக்கிறது என்பதன் அடிப்படையில் தான் இங்கு எல்லாம் இயங்குகிறது. தேர்தலுக்காக சில பிரச்சினைகள் அரசியல் ஆக்கப்படலாம். அவற்றில் கட்சிகள் குளிர்காய்ந்தாலும் மக்களுக்கு தீர்வும் கிட்டலாம். சில பிரச்சினைகள் திசை திருப்பப்படலாம். சில பிரச்சினைகள் வெறும் அரசியல் லாபத்திற்காக ஊதிப் பெரிதாக்கப்படலாம். சில விஷயங்கள் இருட்டடிப்பு செய்யப்பட்டலாம். இப்படியான எல்லா வித்தைகளும் நிறைந்தது தான் அரசியல். இந்த அரசியலில் வித்தகர்கள் பலர் உண்டு. இன்னும் சொல்லப்போனாலும் ஒவ்வொரு அரசியல்வாதிக்கும் ஒவ்வொரு தனித் திறமையே இருக்கலாம். அந்தத் தனித்துவம் அவர்களை தலைவராக முன்னிறுத்தலாம்.