ஒரே நாளில் இந்தியாவில் 61,267 பேருக்கு கரோனா தொற்று, 884 பேர் பலி: சுகாதார அமைச்சகம்

கரோனா பாதிப்பு தினசரி எண்ணிக்கை 65,000த்திற்கும் கீழ் குறைந்து கடந்த 24 மணி நேரத்தில் 61,267 பேர் வைரஸ் பாதிப்புக்கு ஆளாகியுள்ளனர்.

கரோனாவிலிருந்து குணமடைந்தோர் விகிதம் 56 லட்சத்தை கடந்து மொத்த நல விகிதம் 84.70% ஆக உள்ளது.

இருப்பினும் இந்தியாவில் கரோனா பாதிப்பு எண்ணிக்கை 66 லட்சத்து 85 ஆயிரத்து 82 ஆக உள்ளது, பலி எண்ணிக்கை 1 லட்சத்து 3 ஆயிரத்து 569 ஆக அதிகரித்துள்ளது, கடந்த 24 மணி நேரத்தில் கரோனாவுக்கு 884 பேர் பலியாகியுள்ளனர்.

கரோனாவிலிருந்து நலமடைந்தோர் எண்ணிக்கை 56 லட்சத்து 62 ஆயிரத்து 490 ஆக உள்ளது. மொத்தம் 9 லட்சத்து 19 ஆயிரத்து 23 பேர் தற்போது கரோனா சிகிச்சையில் இருக்கின்றனர். இது மொத்த பாதிப்பு எண்ணிக்கையில் 13.75% என்பது குறிப்பிடத்தக்கது.

கரோனா வைரஸினால் இறப்போர் விகிதம் 1.55 % ஆக உள்ளது.

செப்டம்பர் 28 ம்தேதி இந்தியாவில் கரோனா பாதிப்பு எண்ணிக்கை 60 லட்சத்தைக் கடந்துள்ள நிலையில், இன்றைய நிலவரப்படி 66 லட்சத்து 85 ஆயிரத்து 82 ஆக பாதிப்பு எண்ணிக்கை நிலவரம் உள்ளது.

ஐசிஎம்ஆர் கணக்குகளின்படி மொத்தம் 8 கோடியே, 10 லட்சத்து, 71 ஆயிரத்து 797 மாதிரிகள் சோதனை செய்யப்பட்டுள்ளன, அக்டோபர் 5ம் தேதி மட்டும் 10 லட்சத்து 89 ஆயிரத்து 403 சாம்பிள்கள் சோதனை செய்யப்பட்டன.