பாஜகவின் தேசிய நிர்வாகிகள், பொறுப்பாளர்கள் அறிவிப்பு

பாஜக தேசிய நிர்வாகிகள் பட்டியலை அக்கட்சியின் தேசிய தலைவர் ஜே.பி.நட்டா வெளியிட்டுள்ளார்.

பாஜக தேசிய நிர்வாகிகள் பட்டியலை அக்கட்சியின் தேசிய தலைவர் ஜே.பி.நட்டா வெளியிட்டுள்ளார். இந்தப் பட்டியலில் தமிழகத்தை சேர்ந்த யாரும் இடம்பெறவில்லை. பி.எல்.சந்தோஷ் தொடர்ந்து அமைப்பின் தேசிய பொதுச் செயலாளராக இருந்து வருகிறார். வி சதீஷ், சவுதன் சிங் மற்றும் சிவ் பிரகாஷ் ஆகியோர் தொடர்ந்து தேசிய இணை செயலாளர்களாக உள்ளனர்.

உத்தரபிரதேசத்தை சேர்ந்த ராஜேஷ் அகர்வால், பொருளாளராக நியமிக்கப்பட்டுள்ளார். மத்திய பிரதேசத்தை சேர்ந்த சுதிர் குப்தா துணை பொருளாராக நியமிக்கப்பட்டுள்ளார். கட்சியின் சமூக வலைதள பொறுப்பாளராக உத்தரபிரதேசத்தை சேர்ந்த அமித் மால்வியா நியமனம் செய்யப்பட்டுள்ளார். முன்னதாக இளைஞரணி தலைவராக இருந்த பூணம் மகாஜன் நீக்கப்பட்டுள்ளார்.

முன்னாள் முதல்வர்கள் ராமன் சிங், வசுந்தரா ராஜே சிந்தியா, முன்னாள் மத்திய அமைச்சர் ராதா மோகன் சிங் உள்ளிட்டோர் துணைத் தலைவர்களாக நியமனம் செய்யப்பட்டுள்ளனர்.

ராம் மாதவ், முரளிதரராவ், சரோஜ் பாண்டே, அனில் ஜெய்ன் விடுவிக்கப்பட்டு புதுமுகங்களுக்கு பொறுப்புகள் வழங்கப்பட்டுள்ளன.

துஷ்யந்த் குமார் கவுதம், டி.புரந்தரேஷ்வரி, சி.டி.ரவி, தருண் சுக், திலிப் சைகியா ஆகியோர் பொதுச் செயலாளர்களாக தேர்வு செய்யப்பட்டுள்ளனர்.

பாஜக தேசிய இளைஞரணித் தலைவராக பூனம் மகாஜனுக்குப் பதிலாக தேஜஸ்வி சூரியா நியமிக்கப்பட்டுள்ளார்.

கட்சியின் பொருளாளராக ராஜேஷ் அகர்வாலை நியமிப்பதாக பாஜக அறிவித்துள்ளது; நரேந்திர மோடி அமைச்சரவையில் தற்போதைய பியூஷ் கோயல் அமைச்சராக நியமிக்கப்பட்ட பின்னர் 2014 முதல் இந்த பதவி காலியானது.

நாடாளுமன்ற உறுப்பினரான சுதிர் குப்தா இணை பொருளாளராக இருப்பார்.

தேசிய துணைத் தலைவர்கள் விவரம் வருமாறு:

மேற்கு வங்காளத் தலைவர் முகுல் ராய், ஜார்க்கண்ட் முன்னாள் முதல்வர் ரகுபார் தாஸ், நாடாளுமன்ற உறுப்பினர்கள் ரேகா வர்மா, அன்னபூர்ணா தேவி, பாரதீபென் ஷியால், டி.கே.அருணா, ராதா மோகன் சிங் (தேசிய துணைத் தலைவர்கள்) எம் சுபா ஓஓ மற்றும் ஏபி அப்துல்லாக்குட்டி. முன்னாள் ராஜஸ்தான் முதல்வர் வசுந்தரா ராஜே மற்றும் ஜெய் பாண்டா ஆகியோருடன் சத்தீஸ்கர் முன்னாள் முதல்வர் ராமன் சிங்கும் உள்ளார்.