கரோனாவுக்கு எதிரான ஆன்டி-வைரல்கள்: கால்நடை வளர்ப்பு தேசிய மையம் நடவடிக்கை

ஹரியாணாவில் உள்ள ஹிசாரில் ICAR-NRC கால்நடை வகை வளர்ப்புகளுக்கான தேசிய மையம் National Centre for Veterinary Type Cultures (NCVTC), கரோனா வைரசுக்கு எதிரான ஆன்டி-வைரல்களுக்கான 94 சிறு மூலக்கூறு ரசாயனத் தடுப்பான்களைக் கொண்ட ஆய்வு நடத்த ஆதரவளிப்பதற்கு அறிவியல் பொறியியல் ஆய்வு வாரியம் (SERB) அனுமதித்துள்ளது.

இந்த மூலக்கூறுகள், ஹிஸ்டோன் மெத்தில் டிரான்ஸ்ஃபரேஸ், ஹிஸ்டோன் டி அசிடைலேஸ், டிஎன்ஏ மெத்தில் டிரான்ஸ்ஃபரேஸ் போன்ற செல்லுலார் கினாசஸ், ஃபாஸ்படேசஸ், எப்பிஜெனடிக் ரெகுலேட்டர் ஆகியவற்றை தடுக்கக் கூடியவை. இந்தத் தடுப்பான்களின் இலக்குகள் புற்றுநோயில் நன்கு அறியப்பட்டுள்ளன. வைரஸ் உயிர்வாழ்வில் இவற்றின் பங்கு இன்னும் அறியப்படவில்லை. ஆன்ட்டி கரோனா வைரஸ் செயல்பாடுகளுடன் கூடிய தெரிந்தெடுக்கப்பட்ட ஹிட்களில் இந்த மூலக்கூறு செயல்பாடு பற்றி ஆய்வு நடத்தப்படும். மருந்துகளை எதிர்க்கும் வைரஸ் வகைகள் உற்பத்தியாவது குறித்தும் சோதனை மேற்கொள்ளப்படும்.

வைரஸ் அது தங்கி இருக்கும் இடத்தில் தன்னைத்தானே பிரதியெடுத்துக் கொண்டு பன்மடங்கு பெருகும். மனித அணுவில் சுமார் 25000 புரதங்கள் உள்ளன. வைரஸ் பெருகும் போது, இந்த அணுப்புரதங்களுடன் பல்வேறு விதமாகக் கலந்து விடுகிறது. வைரஸ், தான் தங்கியிருக்கும் இடத்தில் தன்னைத்தான் பெருக்கிக் கொள்வதற்கு வெவ்வேறு விதமான ஆயிரத்துக்கும் மேற்பட்ட அணுப்புரதங்களுடன் கலக்க வேண்டிய தேவை அதற்கு உள்ளது.

“மருத்துவ இரசாயன ஆராய்ச்சியில், மருந்துகளைக் கண்டுபிடிப்பதற்கும், வளர்ச்சிப் பாதையை அறிவதற்கும், குறிப்பாக SARS-Cov-2 போன்ற புதிதாக கண்டறியப்பட்டுள்ள எட்டியலாஜிக் ஏஜெண்டுகளைப் பற்றி அறிய இரசாயன நூலக ஸ்கிரீனிங் என்பது பயனுள்ள வழிமுறையாகும். இதுபோன்ற அணுகுமுறை ஃபார்மகோஃபோர்களை விரைவாக அணுகவும், மூலக்கூறு கட்டமைப்புகளைக் கண்டறிவதற்கான பாதையை விரைவுபடுத்தவும், ரோபோட்டிக் மதிப்பீடுகளுடன் இயைந்ததாக அமையச் செய்யவும் உதவும். Cov-2 தடுப்பு மருந்து வளர்ச்சித் திட்டங்களுக்கு ஆதரவளிக்கும் அதேசமயம் கொரோனவைரசுக்கு எதிரான மருந்துகளைக் கண்டுபிடிப்பதற்காகவும் கவனம் செலுத்த வேண்டியது அவசியம்” என்று SERB யின் செயலர் பேராசிரியர் சந்தீப் வர்மா கூறினார்.