இந்தியாவை மிரட்டும் கரோனா: 2-வது முறையாக ஆயிரத்துக்கும் மேற்பட்டோர் ஒரே நாளில் பாதிப்பு: மேலும் 31 பேர் உயிரிழப்பு; குணமடைந்தோர் ஆயிரத்தை கடந்தனர்

இந்தியாவில் கரோனா வைரஸின் பரவல் தீவிரமடைந்து வரும் நிலையில், கடந்த 24 மணிநேரத்தில் நாடு முழுவதும் 1,211 பேர் பாதிக்கப்பட்டுள்ளனர், 31 பேர் உயிரிழந்துள்ளனர்.

மருத்துவமனையில் 8 ஆயிரத்து 988 பேர் சிகிச்சை பெற்று வருகின்றனர். 1,035பேர் கரோனா வைரஸிலிருந்து குணமடைந்துள்ளனர்.

இன்று காலை 9 மணி நிலவரப்படி மத்திய சுகாதாரத்துறை அமைச்சகம் வெளியிட்ட அறிக்கையில் கூறப்பட்டு இருப்பதாவது:

''மகாராஷ்டிர மாநிலத்தில் மோசமான வகையில் பாதிப்பும்,உயிரிழப்பும் இருந்து வருகிறது. அங்கு பலியானோர் எண்ணிக்கை 149 ஆக நேற்று இருந்த நிலையில், இன்று 160 ஆக அதிகரித்துள்ளது. அதாவது கடந்த 24 மணிநேரத்தில்11 பேர் உயிரிழந்துள்ளனர்.

அடுத்த இடத்தில் மத்தியப் பிரதேசத்தில் பலி எண்ணிக்கை 36 ஆக இருந்த நிலையில் நேற்று ஒரு நாளில் 7 பேர் உயிரிழந்ததால் 43 ஆக அதிகரித்துள்ளது. மூன்றாவதாக குஜராத்தில் நேற்று உயிரிழந்தோர் எண்ணிக்கை 26 ஆக அதிகரித்துள்ளது.

தெலங்கானாவில் நேற்று ஒரே நாளில் 7 பேர் கரோனாவுக்கு உயிரிழந்ததையடுத்து, அங்கு பலியானவர்கள் எண்ணிக்கை 16ஆக அதிகரித்துள்ளது. டெல்லியில் நேற்று 4 பேர் உயிரிழந்ததால், பலியானோர் எண்ணிக்கை 28 ஆக அதிகரித்துள்ளது. பஞ்சாப், தமிழகத்தில் தலா 11 பேரும் உயிரிழந்துள்ளனர்.

ஆந்திரா, மேற்கு வங்கத்தில் தலா 7 பேரும், கர்நாடகாவில் 6 பேரும், உத்தரப் பிரதேசத்தில் 5 பேரும், ஜம்மு காஷ்மீரில் 4 பேரும், ராஜஸ்தான், ஹரியாணா, கேரளாவில் தலா 3 பேரும் கரோனா வைரஸால் பாதிக்கப்பட்டு உயிரிழந்துள்ளனர்.

பிஹார், ஒடிசா, இமாச்சலப் பிரதேசம், ஜார்க்கண்ட், அசாம் ஆகிய மாநிலங்களில் தலா ஒருவரும் உயிரிழந்துள்ளனர்.

மகாராஷ்டிர மாநிலத்தில் அதிகபட்சமாக 2,334 பேர் பாதிக்கப்பட்டுள்ளனர், ஒரே நாளில் 350 பேருக்கு கரோனா இருப்பது உறுதி செய்யப்பட்டுள்ளது. 217 பேர் குணமடைந்துள்ளனர். அதைத் தொடர்ந்து டெல்லியில் 1,510 பேர் பேர் பாதிக்கப்பட்டுள்ளனர். ஒரே நாளில் 350 ேபர் பாதிக்கப்பட்டுள்ளனர், 30 பேர் குணமடைந்துள்ளனர்.

தமிழகத்தில் 1,173 பேர் பாதிக்கப்பட்டுள்ளனர், 58 பேர் குணமடைந்துள்ளனர். ராஜஸ்தானில் 873 பேரும், தெலங்கானாவில் 562 பேரும், கேரளாவில் 379 பேரும் பாதிக்கப்பட்டுள்ளனர். மத்தியப் பிரதேசத்தில் 564 பேரும், கர்நாடகாவில் 232 பேரும் பாதிக்கப்பட்டுள்ளனர். குஜராத் மாநிலத்தில் 516 பேர் கரோனா வைரஸால் பாதிக்கப்பட்டுள்ளனர்.

ஜம்மு காஷ்மீரில் 245, மேற்கு வங்கத்தில் 152, பஞ்சாப்பில் 161, ஹரியாணாவில் 185, பிஹாரில் 65, அசாமில் 31, உத்தரகாண்ட்டில் 35, ஒடிசாவில் 54, சண்டிகரில் 21, சத்தீஸ்கரில் 31, லடாக்கில் 15 பேர் கரோனா வைரஸால் பாதிக்கப்பட்டுள்ளனர்.

அந்தமான் நிகோபர் தீவில் 11 பேர், கோவாவில் 7 பேர், இமாச்சலப் பிரதேசத்தில் 32 பேர், புதுச்சேரியில் 7 பேர், ஜார்க்கண்டில் 24 பேர், மணிப்பூரில் 2 பேரும், மிசோரம், அருணாச்சலப் பிரதேசத்தில் தலா ஒருவர் கரோனா வைரஸால் பாதிக்கப்பட்டுள்ளனர்''.

இவ்வாறு சுகாதாரத்துறை அமைச்சகம் தெரிவித்துள்ளது.