மத்திய பிரதேசத்தில் ஒரே பிரசவத்தில் 6 குழந்தைகள்; 2 குழந்தைகள் உயிர் பிழைக்கவில்லை.

ஒரே பிரசவத்தில் 6 பெண் குழந்தைகளை ஒரு தாய் பெற்றெடுத்த அரிதான நிகழ்வு மத்தியப் பிரதேச மாநிலத்தில் நடந்துள்ளது. இதில் இரண்டு குழந்தைகள் உயிரிழந்துவிட்டன.

மாநிலத்தின் ஷியோபூரில் மாவட்ட மருத்துவமனையில் இன்று காலை நடைபெற்ற பிரசவத்தில் 6 பெண் குழந்தைகள் பிறந்ததாக மருத்துவமனை அதிகாரிகள் தெரிவித்தனர்.

மருத்துவத் துறையில் இப்படி ஒரே பிரசவத்தில் 6 குழந்தைகள் பிறப்பதை செக்ஸ்டூப்லெட்ஸ் என்று அழைக்கின்றனர்.

ஷியோபூர் மாவட்ட மருத்துவமனையில் நடைபெற்ற இப்பிரசவத்தின்போது பிறந்த இரண்டு குழந்தைகள் உயிர் பிழைக்கவில்லை.

மற்ற 4 கைக்குழந்தைகளுக்கும் எந்தவிதமான பாதிப்பும் ஏற்பட்டுவிடக் கூடாது என்பதற்காக Sick Newborns Care Unit எனப்படும் பிறந்த குழந்தைகளுக்கான பராமரிப்புக்காக உளள ஒரு தனிப்பிரிவில் நம்பிக்கையுடன் வைக்கப்பட்டுள்ளனர்.

தாயின் நிலை திருப்திகரமாக இருப்பதாக மருத்துவமனை அதிகாரிகள் தெரிவித்தனர்.