காட்டு யானைகள் தாக்கி பிஹாரில் 4 பேர் பலி

பிஹாரின் பஹல்பூர் மாவட்டத்தில் நேற்று இரண்டாவது நாளாக காட்டு யானைகள் கிராமங்களில் புகுந்து தாக்கியதில் 4 பேர் உயிரிழந்தனர். மேலும் 5 பேர் காயமடைந்தனர்.

இதுகுறித்து மாவட்ட காவல்துறை அதிகாரி ஒருவர் கூறும்போது, “பஹல்பூர் மாவட்டம், சபோர் அருகே பன்சிதிகார் பகுதியில் 4 பேரை யானைகள் மிதித்துக் கொன்றன. பஹல்பூரில் வெள்ளிக்கிழமை இருவர் யானைகளால் கொல்லப்பட்ட நிலையில் தற்போது பலி எண்ணிக்கை 6 ஆக உயர்ந்துள்ளது. பயிர்கள், வீடுகளையும் யானைகள் சேதப்படுத்தியுள்ளன. இதனால் கிராம மக்களிடையே அச்சமும் பீதியும் நிலவுகிறது” என்றார்.

அருகில் உள்ள ஜார்க்கண்ட் வனப்பகுதியில் இருந்து இந்த யானை கள் உணவு தேடி இங்கு புகுந்துள்ளதாக அதிகாரிகள் தெரிவிக்கின்றனர். இந்த யானைகளை வெளியேற்ற வனத்துறையின் உதவியை மாவட்ட நிர்வாகம் கோரியுள்ளது.