சாலை விபத்தில் காயம் அடைந்தவருக்கு ரூ.1.5 லட்சம் வரை 7 நாட்கள் இலவச மருத்துவ சிகிச்சை: நிதின் கட்கரி அறிவிப்பு

புதுடெல்லி: சாலை விபத்​தில் காயம் அடைந்​தவருக்கு பணமில்லா சிகிச்சை அளிக்​கும் திட்டம் மார்ச் 2025-க்​குள் நாடு முழு​வதும் விரிவுபடுத்​தப்​படும் என்று மத்திய சாலை போக்கு​வரத்​துத் துறை அமைச்சர் நிதின் கட்கரி அறிவித்​துள்ளார்.

நெடுஞ்​சாலைகளில் விபத்து​களில் உயிரிழப்​போரின் எண்ணிக்கையை குறைக்க, மத்திய சாலை போக்கு​வரத்​துத் துறை அமைச்​சகம் கடந்த ஆண்டு மார்ச் 14-ம் தேதி பணமில்லா சிகிச்சை திட்​டத்தை அமல்​படுத்​தி​யது. இந்த திட்டம் அசாம், சண்டிகர், புதுச்​சேரி உட்பட சில மாநிலங்​களில் அறிமுகப்​படுத்​தப்​பட்​டது. இந்நிலை​யில், பணமில்லா சிகிச்சை திட்டம் வரும் மார்ச் மாதம் முதல் நாடு முழு​வதும் உள்ள மாநிலங்​களி​லும் அமல்​படுத்​தப்​படும் என்று மத்திய சாலை போக்கு​வரத்​துத் துறை அமைச்சர் நிதின் கட்கரி அறிவித்​துள்ளார்.

நாட்​டில் உள்ள அனைத்து மாநிலங்கள் மற்றும் யூனியன் பிரதேசங்​களைச் சேர்ந்த போக்கு​வரத்​துத் துறை அமைச்​சர்கள் கூட்டம் டெல்​லி​யில் செவ்​வாய்க்​கிழமை நடைபெற்​றது. பாரத் மண்டபத்​தில் நடைபெற்ற இக்கூட்​டத்​துக்கு மத்திய சாலை போக்கு​வரத்​துத் துறை அமைச்சர் நிதின் கட்கரி தலைமை வகித்​தார். அப்போது, சாலை விபத்து​களில் காயம் அடைந்​தவர்​களுக்கு ரூ.1.5 லட்சம் வரை பணமில்லா சிகிச்சை அளிக்​கும் திட்​டத்தை அறிவித்​தார்.

இதுகுறித்து அமைச்சர் நிதின் கட்கரி கூறிய​தாவது: கடந்த 2024-ம் ஆண்டு மட்டும் சாலை விபத்து​களில் 1.80 லட்சம் பேர் உயிரிழந்​துள்ளனர். அவர்​களில் தலை கவசம் அணியாத​தால் மட்டும் 30 ஆயிரம் பேர் உயிரிழந்​துள்ளனர். பத்தா​யிரத்​துக்​கும் மேற்​பட்ட மாணவர்கள் உயிரிழந்​துள்ளனர். பள்ளி, கல்லூரி​களில் நுழைவு வாயில், வெளி​யேறும் வழி ஆகியவை சரியாக இல்லாத காரணங்​களால் விபத்து​களில் சிக்கி மாணவர்கள் உயிரிழந்​துள்ளனர். இதுபோன்ற உயிரிழப்புகளை தடுக்க அல்லது குறைக்க ஆட்டோ ரிக் ஷாக்கள், பள்ளி பஸ், வேன்​களுக்கு வழிகாட்டி நெறி​முறைகள் கொண்டு வரப்​படும்.

சாலை விபத்து​களில் உயிரிழப்​போரின் எண்ணிக்கையை குறைக்க மத்திய அரசு புதிய திட்​டத்தை கொண்டு வந்துள்ளது. அதன்​படி, சாலைகளில் விபத்து நடந்து 24 மணி நேரத்​துக்​குள் போலீ​ஸாருக்​குத் தகவல் தெரி​வித்​தால், காயம் அடைந்​தவருக்கு 7 நாட்கள் பணமில்லா சிகிச்சை அளிக்​கும் திட்​டத்தை மத்திய அரசு அமல்​படுத்து​கிறது. அதன்படி காயம் அடைந்​தவர் ரூ.1.5 லட்சம் வரை பணமில்​லாமல் சிகிச்சை பெறலாம். அத்துடன் அடையாளம் தெரியாத வாகனங்கள் மோதி உயிரிழப்​போரின் குடும்பத்​துக்கு நஷ்ட ஈடாக ரூ.2 லட்சம் வழங்​கப்​படும்.

இந்தத் தொகையை அரசே ஏற்றுக் கொள்​ளும். பணமில்லா சிகிச்சை திட்​டத்​தின் மூலம் அசாம், சண்டிகர், பஞ்சாப், உத்த​ராகண்ட், புதுச்​சேரி, ஹரியானா​வில் இதுவரை 6,840 பேர் பலனடைந்​துள்ளனர். இந்தத் திட்டம் மார்ச் மாதம் முதல் விரிவு​படுத்​தப்​படும். இந்தத் திட்டம் நாடு முழு​வதும் செயலுக்கு வரும்​போது, 50 ஆயிரத்​துக்​கும் மேற்​பட்​டோரின் உயிர்களை காப்​பாற்ற முடி​யும். சாலைகளில் விபத்துகளை குறைக்க இனிமேல் புதிய பஸ்கள் மற்றும் டிரக்​கு​களில் 3 அதிநவீன தொழில்​நுட்​பங்கள் கட்டாய​மாக்​கப்​படும். அதில், ஓட்டுநர்கள் தூங்​கினால், உடனடியாக எச்சரிக்கை வழங்​கும் வகையில் புதிய பஸ்கள், டிரக்​கு​களில் தொழில்​நுட்பம் அமையும். மேலும், ஓட்டுநர்கள் ஒரு நாளைக்கு 8 மணி நேரத்​துக்கு மேல் பணிபுரி​யாமல் இருப்பதை உறுதி செய்​வதற்கு, ஆதார் அடிப்​படை​யில் புதிய தொழில்​நுட்பம் கொண்டு வருவது குறித்​தும் ஆலோசித்து வருகிறோம். இவ்வாறு நிதின் கட்கரி தெரிவித்தார்.