தமிழர்கள் மகா கும்பமேளாவை காணும் வகையில் வரும் பிப்ரவரி மாதம் காசி தமிழ்ச் சங்கமம் - 3

புதுடெல்லி: உத்தர பிரதேச மாநிலம் வாராணசி​யுடன் தமிழர்​களுக்கு உள்ள கலாச்​சாரத் தொடர்பை வலுப்​படுத்த ‘காசி தமிழ்ச் சங்கமம்’ (கேடிஎஸ்-3) 2022-ல் தொடங்​கப்​பட்​டது.

வாராணசி​யில் ஒரு மாதம் நடைபெற்ற இந்த சங்கமம், பிரதமர் நரேந்திர மோடி​யின் சிந்​தனை​யில் உருவானது. தனது மக்களவை தொகு​தி​யில் நடைபெற்​ற​தால் இதை பிரதமர் மோடியே தொடக்கி வைத்​திருந்​தார். அந்த வகையில், தெலுங்கு, சவுராஷ்டிரா சங்கமங்​களும் நடைபெற்றன. இதையடுத்து, 2-வது தமிழ்ச் சங்கமம் வாராணசி​யில் நவம்பர் 2023-ல் 10 நாட்​களுக்கு நடைபெற்​றது. அதேநேரம் 2024-ல் நடைபெற​விருந்த மூன்​றாவது சங்கமம் ஒத்தி வைக்​கப்​பட்​டது.

இந்நிலை​யில், வரும் பிப்​ரவரி 15 முதல் 24 வரை 10 நாட்​களுக்கு காசி தமிழ்ச் சங்கமம் நடைபெற உள்ளது. இதுகுறித்த அதிகாரப்​பூர்வ அறிவிப்பு விரை​வில் வெளியாக உள்ளது. வழக்கம் போல், இந்த சங்கமத்தை மத்தியக் கல்வித் துறை​யுடன் இணைந்து வாராணசி மாவட்ட நிர்​வாகம் நடத்து​கிறது.

இதுகுறித்து ‘இந்து தமிழ் திசை’ யிடம் மத்திய கல்வித் துறை அமைச்சக வட்டாரங்கள் கூறும் ​போது, “கடந்த இரண்டு சங்கமங்​களும் கடும் குளிர் நிலவும் நாட்​களான நவம்​பரில் நடைபெற்றன. இதை சமாளிக்க தமிழர்கள் பட்ட சிரமம் பிரதமரின் கவனத்​துக்கு கொண்டு செல்​லப்​பட்​டது. இதை சமாளிப்​பதுடன், பிரயாக்​ராஜ் நகரில் நடைபெறவுள்ள மகா கும்​பமேளாவை​யும் காணும் வகையில் பிப்​ர​வரி​யில் கேடிஎஸ் 3 நடத்​தப்பட உள்ளது. இனி ஆண்டு​தோறும் கேடிஎஸ், குளிர் குறைந்த இதே மாதத்​தில் நடைபெறும்” என்றன.

வாராணசி​யிலுள்ள பனாரஸ் இந்து பல்கலைக்கழக வளாகத்​தில் கேடிஎஸ்-1 நடைபெற்​றது. கேடிஎஸ்-2, வாராணசி மாவட்ட ஆட்சி​யரான தமிழர் எஸ்.ராஜலிங்கம் அளித்த யோசனையை ஏற்று நமோ காட்​டில் (நமோ படித்துறை) நடைபெற்​றது. கங்கை​யில் புதிதாக அமைந்த நமோ காட்​டில், கேடிஎஸ்-2 நடைபெற்றதை தொடர்ந்து அது ஒரு சுற்றுலா தலமாக வளர்ச்சி பெற்றுள்​ளது. தினமும் சுமார் ஐந்தா​யிரம் பேர் வருகை தருகின்​றனர்.

எனவே, கேடிஎஸ்-3 நமோ காட்​டிலேயே நடைபெற உள்ளது. வழக்​கம்​போல், இந்த சங்கமத்​துக்​கும் தமிழகத்​தின் சென்னை, மதுரை மற்றும் ராமேஸ்​வரம் நகரங்​களி​லிருந்து தமிழர்கள் சிறப்பு ரயில்கள் மூலம் அழைத்து வரப்பட உள்ளனர். இந்த வருடம் பு​திதாக தமிழகம் உள்​ளிட்ட அனைத்து ​மாநிலங்​களின் 57 மத்​தி​யப் பல்​கலைக்​கழகங்​களி​லிருந்​தும் ​மாணவர்​கள் பங்கு ​கொள்​கின்​றனர்​.