பயிர்க் காப்பீடு திட்டத்தை தொடர மத்திய அமைச்சரவை ஒப்புதல்

புதுடெல்லி: இந்தாண்​டின் முதல் அமைச்​சரவை கூட்டம் பிரதமர் மோடி தலைமை​யில் நேற்று நடைபெற்​றது. இதில் 2021-22 முதல் 2025-26 வரை ரூ.69,515.71 கோடி ஒட்டுமொத்த ஒதுக்​கீட்​டில் பிரதமரின் பயிர்க் காப்​பீட்டுத் திட்டம் மற்றும் வானிலை அடிப்​படையிலான பயிர்க் காப்​பீட்டுத் திட்​டத்தை 2025-26 வரை தொடர ஒப்புதல் அளிக்​கப்​பட்​டது.

இந்த முடிவு 2025-26 வரை நாடு முழு​வதும் உள்ள விவசா​யிகளுக்கு இயற்​கைப் பேரழி​வு​களி​லிருந்து பயிர்களை பாது​காக்க உதவும்.

பிரதமரின் பயிர்க் காப்​பீட்டுத் திட்​டம், மறுசீரமைக்​கப்​பட்ட வானிலை அடிப்​படையிலான பயிர் காப்​பீட்டுத் திட்டம் (RWBCIS) ஆகிய​வற்றில் சில அம்சங்​களைத் திருத்​த​வும் புதிய அம்சங்​களைச் சேர்க்​க​வும் மத்திய அமைச்​சரவை ஒப்புதல் அளித்​துள்ளது. இது தவிர, இத்திட்​டத்தை செயல்​படுத்து​வ​தில் வெளிப்​படைத்​தன்மை, இழப்​பீட்​டைக் கணக்​கிடுதல் மற்றும் கோரிக்கைகளை தீர்த்து வைத்தல் ஆகிய​வற்றை அதிகரிப்​ப​தற்​கும் ரூ.824.77 கோடி தொகுப்பு நிதி​யுடன் தனி நிதி​யத்தை உருவாக்​க​வும் அமைச்சரவை ஒப்புதல் அளித்​துள்ளது.

விவசா​யிகளுக்கு மலிவு விலை​யில் டை-அம்​மோனியம் பாஸ்​பேட் கிடைப்பதை உறுதி செய்​வதற்​காக, 01.01.2025 முதல் மறு உத்தரவு வரை என்.பி.எஸ் மானி​யத்​தில் ஒரு மெட்​ரிக் டன்னுக்கு ரூ.3,500 என்ற தொகைக்​கும் அப்பால் டிஏபி மீதான ஒரு முறை சிறப்பு தொகுப்பை நீட்​டிப்​ப​தற்கான உரங்​கள் துறை​யின் முன்​மொழி​வுக்கு அமைச்​சரவை நேற்று ஒப்பு​தல்​ அளித்தது.