தெலங்கானா​ ஏரியில் எஸ்ஐ உட்பட 3 பேர் சடலம் மீட்பு

ஹைதரா​பாத்: தெலங்​கானா மாநிலம், காமாரெட்டி மாவட்​டத்​தில் உள்ள பிபி பேட்டை போலீஸ் நிலை​யத்​தில் சப்-இன்ஸ்​பெக்​டராக பணியாற்றிய சாய்​கு​மார் மற்றும் அதே காவல் நிலை​யத்​தில் காவலராக பணியாற்றிய ஸ்ருதி மற்றும் ஒரு கூட்டுறவு சங்கத்​தில் கம்ப்​யூட்டர் ஆபரேட்​டராக பணியாற்றும் நிகில் ஆகிய 3 பேரின் செல்​போன்​களும் திடீரென ஸ்விட்ச் ஆஃப் ஆனதால், அவரவர் வீடுகள் சில மணி நேரம் தேடினர்.

அதன் பின்னர் இது குறித்து பிபி பேட்டை காவல் நிலை​யத்​தில் புகார் அளித்​தனர். காமாரெட்டி மாவட்ட எஸ்பி சிந்து ஷர்மா இது குறித்து விசா​ரிக்க தனிப்படை அமைத்​தார். இந்நிலை​யில், புதன்கிழமை இரவு சதாசிவநகர் அட்லூரு எல்லாரெட்டி ஏரியில் ஸ்ருதி மற்றும் நிகில் ஆகியோரின் செருப்பு​களும், செல்​போனும் இருப்பதை கண்டு அப்பகு​தி​யினர் போலீ​ஸாருக்கு தகவல் கொடுத்​தனர். இதற்​குள் போலீ​ஸாரும் செல்​போன் காட்டும் சிக்​னலின் அடிப்​படை​யில் அங்கு வந்து சேர்ந்​தனர்.

அதன் பின்னர், தீயணைப்பு படையினர் உதவி​யுடன் இவர்களை தேடும்பணி நடந்​தது. அப்போது ஸ்ருதி மற்றும் நிகில் ஆகிய இருவரும் சடலங்​களாக மீட்​கப்​பட்​டனர். இந்நிலை​யில், அதே ஏரியில் நேற்று போலீஸ் சப் இன்ஸ்​பெக்டர் சாய்​கு​மாரும் சடலமாக மீட்​கப்​பட்​டார். ​இதுகுறித்து போலீ​ஸார் ​விசாரணை நடத்​தி வருகின்றனர்.