டங்ஸ்டன் சுரங்கம் குறித்து மறு ஆய்வு செய்ய ஜிஎஸ்ஐ-க்கு மத்திய அரசு பரிந்துரை: தமிழக அரசு எதிர்ப்பு தெரிவிக்கவில்லை என குற்றச்சாட்டு

புதுடெல்லி: மதுரை மாவட்​டத்​தில் டங்ஸ்டன் சுரங்கம் அமைப்பது குறித்து மறு ஆய்வு செய்​யு​மாறு ஜிஎஸ்​ஐ-க்கு மத்திய அரசு பரிந்​துரை செய்துள்ளது.

இதுகுறித்து மத்திய அரசு வெளி​யிட்​டுள்ள அறிவிப்​பில் கூறி​யிருப்​ப​தாவது: மேலூர் அருகே​யுள்ள தெற்​குத் தெரு, முத்து​வேல்​பட்டி பகுதி​களில் டங்ஸ்​ட​னுக்கான புவி​யியல் குறிப்​பாணை (ஜிஎஸ்ஐ) 2021 செப். 14-ல் தமிழ்​நாடு அரசிடம் ஒப்படைக்​கப்​பட்​டது. அதேநேரத்​தில், டங்ஸ்டன் போன்ற முக்கிய கனிமங்களை ஏலம்விட மாநில அரசுக்கு அதிகாரம் வழங்​கப்​பட்​டது.

பின்னர், கனிமங்கள் சட்டத்​தில் சேர்க்​கப்​பட்ட பிரி​வின்​படி, முக்கிய கனிமங்கள் தொடர்பான சுரங்க குத்​தகைகளை​யும், கூட்டுஉரிமங்​களை​யும் பிரத்​தி​யேகமாக ஏலம் விட மத்திய அரசுக்கு அதிகாரம் அளிக்​கப்​பட்​டது. இதனடிப்​படை​யில், நாயக்​கர்​பட்டி டங்ஸ்டன் கனிமத் தொகுதி உட்பட முக்கிய கனிம தொகு​திகளை ஏலம் விடுவது குறித்து தமிழக அரசுக்கு சுரங்க அமைச்​சகம் 15.9.2023-ல் கடிதம் எழுதி​யது. இதற்கு பதிலளித்த தமிழக நீர்​வளத் துறை அமைச்​சர், நாடாளு​மன்​றத்​தில் நிறைவேற்​றப்​பட்ட திருத்தச் சட்டத்தை கேள்விக்​குள்​ளாக்​கியதுடன், முக்கிய கனிமங்களை ஏலம் விடும் அதிகாரம் மாநில அரசிடம் இருக்க வேண்​டும் என்றார்.

2021-2023-ல் முக்கிய கனிமங்களை ஏலம் விடும் அதிகாரம் அரசுக்கு இருந்த​போது, தமிழ்​நாடு எதுவும் செய்ய​வில்லை. குறிப்​பாக, ஏல நடைமுறை அமலுக்கு வந்த பிறகு, கடந்த 9 ஆண்டு​களில் தமிழகத்​தில் ஒரு பெரிய கனிமத்​தொகு​திகூட ஏலம் விடப்​பட​வில்லை. நிலச் சட்டத்​தின்படி மத்திய அரசு முக்கிய கனிமங்களை ஏலம் விடும் நடவடிக்கைகளை மேற்​கொள்​ளும் என்று தமிழக அமைச்​சருக்கு பதில் அளித்த பின்னர், சுரங்க அமைச்​சகத்​தின் செயலா​ளர், தமிழ்​நாடு தலைமைச் செயலா​ள​ருக்கு 6-12-2023-ல் நாயக்​கர்​பட்டி டங்ஸ்டன் கனிமத் தொகுதி உட்பட ஏலத்​துக்கு விடப்​பட​வுள்ள 3 முக்​கியமான கனிமத் தொகு​தி​களின் விவரங்களை கடிதம் மூலம் கோரினார்.

தமிழ்​நாடு புவி​யியல், சுரங்கத் துறை ஆணையர் 8.2.2024 தேதி​யிட்ட கடிதத்​தில், நாயக்​கர்​பட்டி தொகுதி உட்பட இந்த மூன்று பகுதிகள் குறித்த விவரங்களை அளித்​துள்ளார். எனினும், 193.215 ஹெக்​டேர் பரப்​பள​வில் (கனிமத் தொகு​தி​யின் மொத்த பரப்​பள​வில் சுமார் 10%) பல்லு​யிர் தளம் இருப்​பதாக மாநில அரசு தெரி​வித்​தா​லும், இந்த கனிமத் தொகு​தியை ஏலம் விடு​வதற்கு எதிராகப் பரிந்​துரைக்க​வில்லை. 2024 பிப்​ரவரி முதல் 2024 நவம்பர் வரை சுரங்க அமைச்​சகத்​தின் ஏலம் தொடர்பான கூட்​டங்​களில் தமிழகம் கலந்​து​கொண்ட போதி​லும், ஏலம் குறித்து எந்த எதிர்ப்பும், கவலை​யும் தெரிவிக்க​வில்லை.

முக்கிய கனிமங்களை ஏலம் விடுவது மட்டுமே சுரங்க அமைச்​சகத்​தின் பணியாகும். அதன்​பிறகு, விருப்பக் கடிதம் வழங்​குதல், கூட்டு உரிமம், சுரங்கக் குத்தகை ஆகியவை மாநில அரசால் மேற்​கொள்​ளப்​படு​கின்றன. தேவைப்​பட்​டால், கூட்டு உரிமம் அல்லது சுரங்கக் குத்தகை கையெழுத்​திடு​வதற்கு முன்பு பகுதியை மாற்றியமைக்​கலாம். உற்பத்தி தொடங்​கிய​வுடன், அனைத்து வருவா​யும் மாநில அரசுக்​குச் சேரும்.

எனினும், ஏலதாரர் அறிவிக்​கப்​பட்ட பிறகு, வட்டாரப் பகுதிக்​குள் ஒரு பல்லு​யிர் பாரம்​பரியத் தளம் இருப்​ப​தைக் காரணம் காட்டி, இந்த கனிமத் தொகு​தியை ஏலம் விடு​வதற்கு எதிராக பல முறை​யீடுகள் பெறப்​பட்​டுள்ளன. எனவே, கனிமத் தொகு​தியை மறு ஆய்வு செய்து, பல்லு​யிர் பெருக்க தளப் பகுதியை தொகு​தியி​லிருந்து விலக்கி, தொகுதி எல்லையை மறுவரையறை செய்​வதற்கான சாத்​தி​யக்​கூறுகளை ஆராயு​மாறு ஜிஎஸ்ஐ கேட்டுக் கொள்​ளப்​பட்​டுள்​ளது.

மேலும், நாயக்​கர்​பட்டி டங்ஸ்​டன் க​னிமத் தொகு​தி​யில் ஒப்​பந்​தப்புள்ளி கோரும் ஒப்​பந்​த​தா​ரருக்கு ஒப்பு​தல் கடிதம் வழங்​கும் நடை​முறையை தற்​போதைக்கு நிறுத்தி வைக்​கு​மாறு தமிழ்​நாடு அரசு கேட்டுக் ​கொள்​ளப்​பட்​டுள்​ளது. இவ்​வாறு அ​தில்​ தெரி​விக்​கப்​பட்​டுள்​ளது.