இந்திய விவகாரங்களில் தீவிர ஆர்வம் காட்டும் அமெரிக்க தொழிலதிபர் ஜார்ஜ் சோரஸ் நோக்கம் என்ன?

ஜார்ஜ் சோரஸ்... வயது 94. அமெரிக்​கா​வில் செல்​வாக்​குள்ள தொழில​திபர். கோடிக்​கணக்​கில் பணம் சம்பா​தித்து வைத்​துள்ளார். அதை வைத்து அறக்​கட்டளை என்ற பெயரில் பணத்தை வாரி இறைக்​கிறார். ஆனால், பல நாடு​களில் இவரது பணம் பல வேலைகளை செய்​வதாக கூறுகின்றனர்.

நாடாளு​மன்ற குளிர்கால கூட்டத் தொடர் கடந்த மாதம் 25-ம் தேதி தொடங்​கிய​தில் இருந்து தொழில​திபர் அதானிக்கு எதிராக அமெரிக்க நீதி​மன்​றத்​தில் வழக்கு பதிவு செய்​யப்​பட்டது தொடர்பாக விவா​திக்க வலியுறுத்தி எதிர்க்​கட்​சிகள் நாடாளு​மன்​றத்தை முடக்கிவருகின்றன.

ஆனால், ராகுல் காந்​திக்​கும் அமெரிக்க தொழில​திபர் ஜார்ஜ் சோரஸுக்​கும் இடையே தொடர்பு இருப்​பதாக பாஜக​வினர் பகிரங்​க​மாகவே குற்றம் சாட்​டினர். குறிப்​பாக, பிரதமர் மோடி மற்றும் அதானி​யின் புகழைக் கெடுக்க, சர்வதேச அளவில் புலனாய்வு செய்திகளை வெளி​யிடும் ஓசிசிஆர்பி அமைப்புடன் இணைந்து செயல்​படு​வதாக குற்றம் சாட்​டினர். இந்த அமைப்​புக்கு ஜார்ஜ் சோரஸ் நிதி​யுதவி வழங்​கு​வ​தாக​வும் பாஜக குற்றம் சாட்​டியது. இப்படி மிகப்​பெரிய ஜனநாயக நாடான இந்தியா​வின் நாடாளு​மன்​றத்​தில் பேசும் அளவுக்கு முக்​கி​யத்துவம் பெற்ற ஜார்ஜ் சோரஸ் உண்மை​யில் யார், அவரது நோக்கம் என்ன?

ஹங்கேரி​யின் புடாபெஸ்ட் நகரில் யூத குடும்பத்​தில் 1930-ம் ஆண்டு பிறந்​தார் ஜார்ஜ் சோரஸ். ஹங்கேரியை ஆக்கிரமித்த நாஜி படையினர் யூதர்களை கொன்று குவித்​தனர். இதில் உயிர் தப்பிய சோரஸ் 1947-ல் இங்கிலாந்​துக்கு குடிபெயர்ந்​தார். அங்கு தத்து​வ​வியலில் முதுகலை பட்டம் பெற்​றவர், முதலில் வங்கி​யில் பணியாற்றினார். பின்னர் அமெரிக்​கா​வின் நியூ​யார்க்​கில் குடியேறினார்.

பங்குச் சந்தை​யில் முதலீடு செய்து லாபத்தை குவித்​தார். பின்னர் ஓபன் சொசைட்டி அறக்​கட்​டளை​யைத் தொடங்கி உலகம் முழு​வதும் பல்வேறு சமூக அமைப்பு​களுக்கு நிதி​யுதவி வழங்கி வருகிறார். இதுவரை ரூ.2.7 லட்சம் கோடியை பல்வேறு அமைப்பு​களுக்கு வழங்கி உள்ளார். இங்கு​தான் அவரது உள்நோக்கம் இருப்​பதாக சர்வதேச அளவில் கூறுகின்​றனர்.

தனது கொள்கை, விருப்​பம், தொழிலுக்கு ஆதரவாக செயல்​படாத நாடு​களில் பத்திரிகை சுதந்​திரம், சிறு​பான்​மை​யினர் உரிமை என்ற போர்​வை​யில் சம்பந்​தப்​பட்ட நாடு​களின் அரசுக்கு எதிராக போராடும் குழுக்களுக்கு இவரது அறக்​கட்டளை நிதி​யுதவிவழங்கி வருவதாக குற்றம் சாட்டு​கின்​றனர்.

எதிர்க்​கட்​சியான காங்​கிரஸ், சோரஸுடன் இணைந்து பாஜக தலைமையிலான அரசுக்கு எதிராக போராட்​டங்களை நடத்தி வருகிறது. இதுபோல, தொழில​திபர் கவுதம் அதானி நிறு​வனம் பங்குச் சந்தை ஊழலில் ஈடுபட்​டதாக புகார் எழுந்​தது. இதன் பின்னணி​யிலும் ஜார்ஜ் சோரஸ் இருப்​ப​தாகக் கூறப்​படு​கிறது.

காஷ்மீரை ஒரு தனி நாடாக கருது​வதாக எப்டிஎல்​-ஏபி அறக்கட்டளை கூறி​யிருந்​தது. சோனியா இணை தலைவராக உள்ள இந்த அறக்​கட்​டளைக்​குக்​கும் சோரஸ் அறக்​கட்டளை நிதி​யுதவி வழங்​கும் ஓசிசிஆர்​பி-க்​கும் தொடர்பு இருப்​பதாக பாஜக குற்றம் சாட்டி உள்ளது. ராஜீவ் காந்தி அறக்​கட்டளை ஜார்ஜ் சோரஸ் அறக்​கட்​டளை​யுடன் இணைந்து செயல்​படு​வது, சோரஸ் அறக்​கட்டளை துணைத் தலைவர் சலில் ஷெட்டி, ராகுல் காந்​தி​யின் பாரத் ஜோடோ யாத்​திரை​யில் பங்கேற்றது என பல ஆதாரங்களை பாஜக.​வினர் வெளிப்​படையாக பேசி வருகின்​றனர்.

மேலும், குடி​யுரிமை திருத்தச் சட்டம் மற்றும் தேசிய குடிமக்கள் பதிவேடு ஆகிய​வற்றுக்கு எதிரான போராட்​டங்​களில் ஈடுபட்ட அமைப்பு​களுக்​கும் சோரஸ் அறக்​கட்டளை நிதி​யுதவி வழங்​கியதாக பாஜக​வினர் குற்றம் சாட்டி உள்ளனர். மொத்​தத்​தில் இந்தியா​வில் உள்ள அரசு ஸ்​திரத்​தன்​மை​யுடன் இருப்​பது, பொருளா​தா​ரத்​தில் வளர்ச்சி அடைந்து வரு​வது, சர்​வதேச அள​வில் இந்தியா​வின் ம​திப்பு உயர்ந்து வருவது ​போன்ற பல்​வேறு அம்​சங்​களுக்கு எ​திரான செயல்களை ஊக்கு​விப்​பது​தான் சோரஸின் நோக்​கம் என்று பாஜக தலை​வர்​கள்​ குற்​றம்​ சாட்​டுகின்​றனர்​.