பேருந்து காவலர்களை மீண்டும் நியமிக்க ஆளுநருக்கு டெல்லி முதல்வர் ஆதிஷி கடிதம்

புதுடெல்லி: டெல்லியில் அரசுப் பேருந்தில் பயணிக்கும் பெண்களின் பாதுகாப்​புக்காக கடந்த 2017-ம் ஆண்டு 10 ஆயிரம் காவலர்கள் (பேருந்து மார்ஷல்ஸ்) நியமிக்​கப்​பட்​டனர். கடந்த 2023-ம் ஆண்டு அக்டோபர் மாதம் இவர்கள் வேலையை இழந்தனர். இதற்கு பாஜகவின் சதியே காரணம் என அப்போதைய முதல்வர் அர்விந்த் கேஜ்ரிவால் கூறியிருந்​தார்.

இந்நிலை​யில், ஓராண்​டுக்குப் பிறகு 10 ஆயிரம் பேருந்து காவலர்களை மீண்டும் நியமிக்க டெல்லி அமைச்சரவை ஒப்புதல் வழங்கியது. இது துணைநிலை ஆளுநரின் ஒப்பு​தலுக்கு அனுப்பி வைக்கப்​பட்டது. இந்நிலையில் டெல்லி துணைநிலை ஆளுநர் வி.கே.சக்​சேனா​வுக்கு முதல்வர் ஆதிஷி நேற்று எழுதி உள்ள கடிதத்​தில், “பேருந்து காவலர்களை மீண்டும் நியமிப்பது தொடர்பான கோப்பு தங்களுக்கு அனுப்​பப்​பட்டு 2 வாரங்​களுக்கு மேல் ஆகியும் இன்னும் ஒப்புதல் கிடைக்க​வில்லை. இந்த திட்டத்துக்கு உடனடி யாக ஒப்புதல் வழங்க வேண்டும்” என கூறியுள்ளார்.