மணிப்பூர் வன்முறை: தீவிரவாதிகள் 4 பேர் கைது

இம்பால்: மணிப்​பூர் வன்முறை தொடர்பாக சட்ட விரோதமாக ஆயுதங்கள் வைத்​திருந்த 4 தீவிர​வா​திகளை போலீ​ஸார் கைது செய்​துள்ளனர்.

மணிப்​பூரில் கடந்த ஆண்டு மே மாதம் குகி பழங்​குடி​யினர் மற்றும் மைத்​தேயி சமூகத்​தினர் இடையே ஏற்பட்ட மோதல் கலவரமாக வெடித்​தது. அம்மாநிலத்​தில் வன்முறைச் சம்பவங்கள் இன்னும் தொடர்​கிறது. இந்நிலை​யில் போலீ​ஸார் நேற்று கூறிய​தாவது: சட்ட விரோதமாக ஆயுதங்கள் வைத்​திருத்தல் மற்றும் அச்சுறுத்தி பணம் பறித்தல் தொடர்பாக மக்கள் போர்ப்​படையை சேர்ந்த 4 தீவிர​வா​திகள் கடந்த வியாழக்​கிழமை கைது செய்​யப்​பட்​டனர்.

இவர்கள் இம்பால் கிழக்கு மாவட்​டத்தை சேர்ந்த சாகித் கான் மற்றும் இம்பால் மேற்கு மாவட்​டத்தை சேர்ந்த மைபம் சூரஜ் கான், மற்றும் ஷ்யாம் சந்திர சிங் என அடையாளம் காணப்​பட்​டனர். அவர்​களிடம் இருந்து 3 துப்​பாக்​கிகள் உள்ளிட்ட ஆயுதங்கள் மற்றும் 3 செல்​போன்கள் பறிமுதல் செய்​யப்​பட்டன. காவல் துறை​யின் மற்றொரு நடவடிக்கை​யில் சட்ட விரோதமாக துப்​பாக்​கிகள் வைத்​திருந்த ஐக்கிய மக்கள் விடுதலை முன்னணி உறுப்​பினர் சங்கோம் சும்பம் கைது செய்​யப்​பட்​டார். மேலும் அதே நாளில் காங்​போக்பி மாவட்​டத்​தில் உள்ள எஸ்மோங்பி ரிட்ஜ் பகுதி​யில் பாது​காப்புப் படையினர் ஆயுதங்கள் மற்றும் வெடிமருந்​துகளை கண்டு​பிடித்​தனர்.

பல்வேறு வகை துப்​பாக்​கி​கள், இரண்டு கையெறிகுண்​டு​கள், இரண்டு டெட்​டனேட்​டர்​கள், 16 தோட்​டாக்​கள் மற்றும் மூன்று கண்​ணீர் பு​கைக்​குண்​டு​கள் அங்​கிருந்து கைப்​பற்​றப்​பட்ன. இவ்​வாறு ​போலீ​ஸார்​ கூறினர்​.