சிவன் கோயிலை இடித்து அஜ்மீர் தர்கா கட்டியதாக வழக்கு: தொல்​பொருள் ஆய்வுத் துறை​க்கு நோட்டீஸ்

புதுடெல்லி: ராஜஸ்​தான் மாநிலம் அஜ்மீரில் 12-ம் நூற்​றாண்​டில் கட்டப்​பட்டது காஜா மொய்​னுதீன் சிஷ்தி தர்கா. இந்த தர்கா​வுக்கு நாடு முழு​வ​தி​லும் இருந்து முஸ்​லிம்கள் அதிக எண்ணிக்கை​யில் வந்து செல்​கின்​றனர்.

தர்கா இருந்த இடத்​தில் சங்கட் மோர்ச்சன் மஹாதேவ் எனும் சிவன் கோயில் இருந்​த​தாகப் பல ஆண்டு​களாகப் புகார் உள்ளது. இதை குறிப்​பிட்டு கடந்த 2022-ம் தேதி காங்​கிரஸ் முதல்​வராக இருந்த அசோக் கெலாட்​டிடம் முதல் முறையாக புகார் அளிக்​கப்​பட்​டது. மகாரானா பிரதாப் சேனா எனும் அமைப்​பினர் அளித்த இந்த புகாரில் எந்த நடவடிக்கை​யும் எடுக்​கப்​பட​வில்லை.

எனினும், தேர்தல் நேரங்​களில் இந்த புகாரை இந்துத்துவா அமைப்புகள் எழுப்பி வந்தன. இது தற்போது அஜ்மீர் நீதி​மன்​றத்​தில் வழக்காக ஏற்கப்​பட்​டுள்​ளது. தர்கா​வின் உள்ளே கள ஆய்வு நடத்த கோரி டெல்​லி​யில் வசிக்​கும் இந்து சேனா தலைவர் விஷ்ணு குப்தா ஒரு மனுவை அளித்​திருந்​தார். இந்த மனுவை அஜ்மீர் சிவில் செஷன்ஸ் நீதி​மன்ற மூத்த நீதிபதி மன்மோகன் சண்டேல் விசா​ரித்​தார்.

கடந்த நவம்பர் 25-ம் தேதி முதல் தொடர்ந்து 3 நாட்​களாக விசாரணை நடைபெற்றது பின்னர் இந்த வழக்கை விசா​ரிக்க நீதி​மன்றம் ஒப்புக் கொண்​டுள்​ளது.

இதையடுத்து, தர்கா நிர்​வாகக் குழு, ராஜஸ்​தான் மாநில சிறு​பான்​மைத் துறை மற்றும் இந்திய தொல்​பொருள் ஆய்வுத் துறை​யினர் பதில் அளிக்க நோட்​டீஸ் பிறப்​பிக்​கப்​பட்​டுள்​ளது.

இதுகுறித்த விசாரணை டிசம்பர் 5-ம் தேதி மீண்​டும் நடைபெற உள்ளது. கடந்த 1910-ல் அஜ்மீர்​வாசியான நீதிபதி ராம் விலாஸ் ஷர்தா என்பவர் ஒரு நூலை எழுதி வெளி​யிட்​டுள்​ளார். அதில், சிவன் கோயில் இருந்த இடத்தை இடித்து காஜா மொய்​னுதீன் சிஷ்தி தர்கா கட்டிய​தாகக் குறிப்புகள் உள்ளன.

இந்நூலை ஆதாரமாக கொண்டு விஷ்ணு குப்தா நீதி​மன்​றத்​தில் வழக்கு தொடுத்​துள்ளார். இதில் கோயி​லின் சில கலை பொருட்கள் தர்கா​வில் உள்ள பகுதி​களும் சுட்​டிக்​காட்​டி​யுள்​ளார். அத்​துடன், மத்​திய அரசின் வழிபாட்டுத் தலங்​கள் பாது​காப்பு சட்​டம் 1991-ன் கீழ் இந்த கள ஆய்வு வ​ராது என்​றும் அவர் நீ​தி​மன்​றத்​தில்​ தெரி​வித்​துள்​ளார்.