உள்நாட்டு தேவைகளை பூர்த்தி செய்வதற்கு இந்தியாவில் ரயில் உற்பத்தி செய்ய ரஷ்யா ஆர்வம்

புதுடெல்லி: ரஷ்யா​வில் ரயில் தேவை​களைப் பூர்த்தி செய்​வதற்காக இந்தியா​வில் அதிக முதலீடுகளை செய்ய அந்த நாடு ஆர்வம் காட்டி வருகிறது. அத்துடன் இந்தியா​விலேயே ரஷ்யா​வுக்கு தேவையான ரயில் பெட்​டிகளை தயாரிப்​ப​தற்கான உற்பத்தி மையத்தை தொடங்​க​வும் ரஷ்யா திட்​ட​மிட்​டுள்​ளது.

இதுதொடர்பாக கடந்த வாரம் ரஷ்யா​வின் மிகப்​பெரிய ரயில் நிறு​வனமான டிஎம்​எச், இந்திய ரயில்வே அதிகாரி​களுடன் பேச்சு​வார்த்தை நடத்தி உள்ளது. ரஷ்யா​வின் டிஎம்எச் நிறு​வனம் ஏற்கெனவே இந்தியா​வில் படுக்கை வசதி​யுடன் கொண்ட வந்தே பாரத் ரயில் உற்பத்​தி​யில் பங்கேற்றுள்​ளது. இதுகுறித்து ரயில்வே துறை உயரதி​காரி ஒருவர் நேற்று கூறுகை​யில், ‘‘ரஷ்​யா​வில் ரயில்​களுக்கான தேவை மிக அதிகமாக உள்ளது. அதனால், இந்தியா​வில் முதலீடு செய்​ய​வும், உதிரி பாகங்களை கொள்​முதல் செய்​ய​வும், ரயில் உற்பத்தி மையத்தை அமைக்​க​வும் அந்த நாடு மிகவும் ஆர்வமாக உள்ளது’’ என்றார்.

இதுகுறித்து ரஷ்ய தலைநகர் மாஸ்​கோ​வில் இந்திய செய்தி​யாளர்களை சந்தித்த டிஎம்எச் சிஇஓ கிரில் லிபா கூறிய​தாவது: மற்ற நாடுகளை ஒப்பிடும் போது இந்தியா​வில் வட்டி விகிதம் வித்​தி​யாசமாக உள்ளது. எனவே, இந்தியா​வில் அதிக முதலீடு செய்ய திட்​ட​மிட்​டுள்​ளோம். ஏற்கெனவே ரஷ்யா​வுக்கு ரயில் தொடர்பான பல்வேறு பாகங்களை சப்ளை செய்​வதற்காக பல இந்திய நிறு​வனங்​களுடன் ஒப்பந்தம் மேற்​கொண்​டுள்​ளோம். அந்த நிறு​வனங்​களுடன் எங்களுக்கு சிறந்த உறவு உள்ளது. எனவே, அந்த நிறு​வனங்​களிடம் இருந்து இன்னும் கூடு​தலாக பாகங்களை இறக்​குமதி செய்ய திட்​ட​மிட்​டுள்​ளோம். இவ்வாறு கிரில் லிபா கூறினார்.