பெங்களூரு காவல் நிலையத்தில் வீட்டு பணியாளர் கொல்லப்பட்ட வழக்கு: 4 காவலர்களை குற்றவாளியாக அறிவித்தது நீதிமன்றம்

பெங்களூரு: பெங்​களூரு​வில் கடந்த 2016-ம் ஆண்டு மகேந்திர சிங் (42) என்பவர் அவர் பணியாற்றிய வீட்​டில் ரூ.3.5 லட்சம் திருடியதாக ஜீவன் பீமாநகர் போலீ​ஸாரால் கைது செய்​யப்​ப‌ட்​டார். அவரை போலீ​ஸார் காவல் நிலை​யத்​தில் வைத்து கடுமையாக தாக்​கிய​தால் அவர் அங்கேயே உயிரிழந்​தார்.

இதுதொடர்பான வழக்கு பெங்​களூரு சிறப்பு நீதி​மன்​றத்​தில் கடந்த 8 ஆண்டுகளாக நடைபெற்​றது. இந்த வழக்​கில் நீதி​மன்றம் நேற்று பிறப்​பித்த உத்தர​வில் கூறியிருப்பதாவது: மகேந்திர சிங் வழக்​கில் ஜீவன் பீமா நகர் காவல் நிலை​யத்​தின் தலைமை காவலர் அஜாஸ் கான், ​காவலர்கள் கேசவ்மூர்த்தி, மோகன் ராம் மற்றும் சிதப்பா பொம்​மனஹள்ளி ஆகியோர் மீதான கொலை குற்​றச்​சாட்டு நிரூபிக்​கப்​பட்​டு உள்​ளது.

சிசிடிவி கேமரா பதிவில் கொலையான மகேந்திர சிங், சம்பவத்​தன்று காலை​யில் ஆரோக்​கியமான முறை​யில் உள்ளே நடந்து செல்​கிறார். ஆனால் சரிந்த நிலை​யில் போலீ​ஸார் அவரை மருத்​துவ​மனைக்கு தூக்கிச் செல்​கிறனர். அவரது பிரேதப் பரிசோதனை​அறிக்கையில் கூர்​மையான ஆயுதங்​கள், தடிமனான கட்டைகளால் தாக்​கிய​தால் அவர் இறந்ததாக குறிப்​பிடப்​பட்​டுள்​ளது. அவரை தாக்கி கொன்ற 4 போலீ​ஸாரும் குற்​றவாளிகள் என நீதி​மன்றம் அறிவிக்​கிறது.

அவர்களை இந்திய தண்டனைச் சட்டத்​தின் 304-ம் பிரிவு ம‌ற்றும் 330-ம் பிரிவின் கீழ் தண்டனைக்​குரிய குற்​றவாளி​களாக கருதுகிறது. எனவே அவர்​களுக்கு அளிக்​கப்​பட்ட ஜாமீன் ரத்து செய்​யப்​பட்டு, தண்​டனைக்காக 28-ம் தேதி ஆஜராக வேண்டும். இவ்வாறு நீதிமன்றம் உத்தவிட்டுள்ளது.