ஜார்க்கண்ட் ஆளுநரை சந்தித்து ஆட்சி அமைக்க உரிமை கோரினார் ஹேமந்த் சோரன்: ராஞ்சியில் 28-ம் தேதி பதவியேற்பு

ராஞ்சி: ஜார்க்​கண்ட் மாநில ஆளுநர் சந்தோஷ் கங்வாரை சந்தித்து ஆட்சி அமைக்க உரிமை கோரினார் ஹேமந்த் சோரன். இதையடுத்து ராஞ்​சி​யில் 28-ம் தேதி நடைபெறும் விழா​வில் மீண்டும் முதல்வர் பதவி​யேற்​கிறார்

ஜார்க்​கண்ட் மாநிலத்​தில் மொத்தம் உள்ள 81 சட்டப்​பேர​வைத் தொகு​தி​களுக்கு தேர்தல் நடைபெற்​றது. இதில் ஆளும் ஜார்க்​கண்ட் முக்தி மோர்ச்சா (ஜேஎம்​எம்), காங்​கிரஸ் மற்றும் சில கட்சிகள் இண்டியா கூட்​ட​ணியாக போட்​டி​யிட்டன. பாஜக தலைமை​யில் அதன் கூட்டணி கட்சிகள் போட்​டி​யிட்டன. இந்த தேர்தலில் ஜேஎம்எம் 34, காங்​கிரஸ் 16 தொகு​திகள் உட்பட மொத்தம் 56 இடங்​களில் இண்டியா கூட்டணி வெற்றி பெற்று ஆட்சியை தக்க​வைத்​துக் கொண்​டது.

பாஜக 21 மற்றும் கூட்டணி கட்சிகள் 3 தொகு​திகள் என மொத்தம் 24 தொகு​தி​களில் பாஜக கூட்டணி வெற்றி பெற்​றது. இந்நிலை​யில், ஜார்க்​கண்ட் ஆளுநர் சந்தோஷ் கங்வாரை, ஜேஎம்எம் தலைவரும் முன்​னாள் முதல்​வருமான ஹேமந்த் சோரன் நேற்று சந்தித்து பேசினார். அப்போது, முதல்வர் பதவியை ராஜினாமா செய்​வதற்கான கடிதத்தை அவரிடம் வழங்​கினார். மேலும், மாநிலத்​தில் ஆட்சி அமைக்க உரிமை கோரினார்.

இதையடுத்து, ஜார்க்​கண்​டில் ஆட்சி அமைக்க தனிப்​பெரும்​பான்மை பெற்ற ஜேஎம்எம் கட்சிக்கு ஆளுநர் சந்தோஷ் அழைப்பு விடுத்​தார். முன்னதாக நேற்று காலை ஹேமந்த் சோரன் தலைமை​யில் இண்டியா கூட் டணி கட்சிகள் சார்​பில் வெற்றி பெற்ற எம்எல்​ஏ.க்​களின் கூட்டம் நடைபெற்​றது. இதில் ஹேமந்த் சோரன் முதல்​வராக தேர்ந்​தெடுக்​கப்​பட்​டார்.

இதையடுத்து ராஞ்​சி​யில் 28-ம் தேதி பதவி​யேற்பு விழா நடைபெற உள்ளது. முதல்​வராக ஹேமந்த் சோரன் பதவி​யேற்க உள்ளார். அவருக்கு ஆளுநர் சந்தோஷ் பதவிப் பிரமாணம் செய்து வைக்​கிறார். இதுகுறித்து காங்​கிரஸ் பொதுச் செயலாளர் குலாம் அகமது மிர் நேற்று கூறுகை​யில், ‘‘ஜார்க்​கண்​டில் மீண்​டும் ஹேமந்த் சோரன் முதல்வராக பதவி​யேற்​பார்’’ என்று உறுதிப்​படுத்​தினார். எனினும், இந்த முறை துணை முதல்வர் பதவியை காங்​கிரஸ் கேட்​கும் என்று கூறப்​படு​கிறது.

பர்ஹைத் தொகு​தி​யில் பாஜக வேட்​பாளர் கம்லி​யால் ஹெம்​பிராமை விட ஹேமந்த் சோரன் 39,791 வாக்​குகள் அதிகம் பெற்று வெற்றி பெற்​றார். ஹேமந்த் மனைவி கல்பனா சோரன், கண்டே தொகு​தி​யில் 17,142 வாக்​குகள் வித்​தி​யாசத்​தில் வெற்றி பெற்​றார். சட்டப்​பேர​வைத் தேர்​தலில் ஜார்க்​கண்ட் முக்தி மோர்ச்சா கட்சி 23.44 சதவீத வாக்​குகளே பெற்​றது. ஆனால், பாஜக 68 இடங்​களில் போட்​டி​யிட்டு 21 தொகு​திகளை கைப்​பற்றியது. இந்த மாநிலத்​தில் பாஜக 33.18 சதவீத வாக்​குகள் பெற்​றது. ஆனால், பாஜக.வுக்கு தனிப்​ பெரும்​பான்மை கிடைக்க​வில்லை என்பது குறிப்பிடத்தக்கது.