நாடாளுமன்ற குளிர்கால கூட்டத் தொடர்; 24-ம் தேதி அனைத்து கட்சி கூட்டம்: மத்திய அமைச்சர் கிரண் ரிஜிஜு அழைப்பு

புதுடெல்லி: நாடாளுமன்ற குளிர்கால கூட்டத் தொடருக்கு முன்னதாக வரும் 24-ம் தேதி அனைத்​துக் கட்சிக் கூட்​டத்​துக்கு அழைப்பு விடுக்​கப்​பட்​டுள்ளது என்று மத்திய நாடாளு​மன்ற விவகாரத்​துறை அமைச்சர் கிரண் ரிஜிஜு தெரி​வித்​துள்ளார்.

இது தொடர்பாக அவர் வெளி​யிட்​டுள்ள எக்ஸ் பதிவில் கூறி​யுள்ள​தாவது: நாடாளு​மன்ற குளிர்கால கூட்​டத்​தொடரை முன்னிட்டு அனைத்​துக்கட்சி கூட்டம் வரும் 24-ம் தேதி காலை 11 மணிக்கு நாடாளு​மன்ற வளாகத்​தில் உள்ள பிரதான குழு அறையில் நடைபெறும். இவ்வாறு அவர் அதில் தெரி​வித்​துள்ளார்.

முன்ன​தாக, நாடாளு​மன்ற குளிர்கால கூட்​டத்​தொடர் நவம்பர் 25-ம் தேதி தொடங்கி டிசம்பர் 20-ம் தேதி வரை நடைபெறும் என்று மத்திய அமைச்சர் கிரண் ரிஜிஜு அறிவித்​திருந்​தார். “மத்திய அரசின் பரிந்​துரை​யின் பேரில், நவம்பர் 25 முதல் டிசம்பர் 20, 2024 வரை நாடாளு​மன்​றத்​தின் இரு அவைகளை​யும் கூட்டு​வதற்கான முன்​மொழி​வுக்கு குடியரசுத் தலைவர் திரவுபதி முர்மு ஒப்புதல் அளித்​துள்ளார்” என்று கிரண் ரிஜிஜு ஏற்கெனவே அறிவித்​திருந்​தார்.

மேலும், நவம்பர் 26-ம் தேதி அரசி​யலமைப்பு தினம் என்ப​தால், அரசி​யலமைப்பு சட்டம் ஏற்றுக்​கொள்​ளப்​பட்ட 75-வது ஆண்டு விழா, நாடாளு​மன்ற கட்டிடத்​தின் (சம்​விதன் சதன்) மைய மண்டபத்​தில் கொண்​டாடப்​படும் என்றும் கிரண் ரிஜிஜு குறிப்பிட்டிருந்தார்.

இந்த குளிர்கால கூட்​டத்​தொடரின் போது, தற்போது நாடாளு​மன்ற கூட்டுக் குழு​வின் விசா​ரணை​யில் உள்ள வக்பு வாரிய திருத்த மசோதாவை நிறைவேற்ற அரசு முயற்சி மேற்​கொள்​ளும் என்றும், இந்த அமர்​வின் போது, ‘ஒரே நாடு ஒரே தேர்​தல்’ மசோதாவை மத்திய அரசு அறிமுகப்​படுத்​தலாம் என்றும் எதிர்​பார்க்​கப்​படு​கிறது.

ஒரே நாடு ஒரே தேர்தல் திட்​டம், வக்பு வாரிய சட்ட திருத்தம் உள்ளிட்ட முக்கிய மசோதாக்களை நிறைவேற்ற மத்திய அரசு முனைப்பு காட்டி வரும் நிலை​யில், பல்வேறு முக்கிய பிரச்​சினைகளை இந்த கூட்டத் தொடரில் எழுப்ப எதிர்க்​கட்​சிகள் திட்​ட​மிட்​டுள்ளதாக கூறப்​படு​கிறது. நாடாளு​மன்றம் கூடு​வதற்கு முன்​பாக, வரும் 23-ம் தேதி ஜார்க்​கண்ட், ம​காராஷ்டிர ​மாநில சட்​டப்​பேர​வைத் தேர்​தல் ​முடிவுகள் வெளியாக உள்ளன. இந்த தேர்தல் முடிவுகள் தொடர்பான விஷயங்களும் நாடாளுமன்ற கூட்டத் தொடரில் எதிரொலிக்கும் என எதிர்பார்க்கப்படுகிறது.