பிடிபி 3 இடங்களில் மட்டுமே வெற்றி: மெகபூபா முப்தியின் மகள் இல்திஜா தோல்வி

ஸ்ரீநகர்: ஜம்மு காஷ்மீர் தேர்தலில் முன்னாள் முதல்வர் மெகபூபா முப்தி தலைமையிலான மக்கள் ஜனநாயகக் கட்சி (பிடிபி) தனித்து போட்டியிட்டது.அக்கட்சி வெறும் 3 இடங்களில் மட்டுமே வென்றுள்ளது.

மெகபூபா மகள் இல்திஜா முப்தி (37) ஸ்ரீகுஃப்வாரா - பிஜ்பெஹாரா சட்டபேரவைத் தொகுதியில் போட்டியிட்டார். அங்கு அவர், தேசிய மாநாட்டுக் கட்சி வேட்பாளர் பஷீர் அகமது ஷா வீரியிடம் தோல்வி அடைந்துள்ளார்.

இதுகுறித்து அவர் கூறுகையில், “மக்களின் தீர்ப்பை ஏற்றுக்கொள்கிறேன். பிஜ்பெஹாரா மக்கள் என் மீது காட்டிய அன்பு எப்போதும் என்னுடன் நிலைத்திருக்கும். இந்தத் தேர்தலில் கட்சிக்காக உழைத்த தொண்டர்கள் அனைவருக்கும் எனது நன்றியை தெரிவித்துக்கொள்கிறேன்” என்றார்.