அசாமில் 3 வேட்பாளர்களை அறிவித்தது ஆம் ஆத்மி

அசாமில் 3 தொகுதிக்கான வேட்பாளர்களை ஆம் ஆத்மி கட்சி அறிவித்துள்ளது. இதுகுறித்து அக்கட்சியின் பொதுச் செயலாளர் சந்தீப் பதக் செய்தியாளர்களிடம் நேற்று கூறியதாவது: இண்டியா கூட்டணியில் தொகுதி உடன்பாடு குறித்த பேச்சுவார்த்தை மாதக்கணக்கில் தொடர்ந்து கொண்டே இருக்கிறது.

பேச்சுவார்த்தை நடத்தி நாங்கள் சோர்வடைந்து விட்டோம். எனவே, அசாம் மாநிலம் திப்ருகார் (மனோஜ் தனோவர்), குவாஹாட்டி (பாபன் சவுத்ரி) மற்றும் சோனிட்பூர் (ரிஷி ராஜ்) ஆகிய 3 தொகுதிகளுக்கு வேட்பாளர்களை அறிவித்துள்ளோம் என்றார்.