கியான்வாபி வழக்கில் அதிரடி முதல் ‘சிஏஏ’வை எதிர்க்கும் ஸ்டாலின், இபிஎஸ் வரை | செய்தித் தெறிப்புகள் 10  @ ஜன.31, 2024 

கியான்வாபி மசூதி வளாகத்துக்குள் இந்துக்கள் வழிபட அனுமதி: உத்தரப் பிரதேசத்தின் வாரணாசியில் உள்ள கியான்வாபி மசூதி வளாகத்துக்குள் உள்ள தெய்வங்களை வழிபட இந்துக்களுக்கு அனுமதி அளித்து வாரணாசி நீதிமன்றம் உத்தரவு பிறப்பித்துள்ளது.

வாரணாசி மாவட்ட நீதிபதி அஜய் கிருஷ்ண விஸ்வேஷா பிறப்பித்த இந்த உத்தரவு குறித்து வழக்கறிஞர் விஷ்ணு சங்கர் ஜெயின் கூறும்போது, ‘கியான்வாபி மசூதியின் கீழ்த்தளத்தில் உள்ள வியாஸ் கா தேகனா என்ற இடத்தில் இந்துக்கள் வழிபாடுகளை மேற்கொள்ள நீதிமன்றம் அனுமதி அளித்துள்ளது. இதற்கான ஏற்பாடுகளை மாவட்ட நிர்வாகம் 7 நாட்களுக்குள் மேற்கொள்ள நீதிமன்றம் உத்ரதவிட்டுள்ளது. எனவே, இன்னும் 7 நாட்களில் இந்துக்கள் அங்கு சென்று வழிபட முடியும். அங்குள்ள தெய்வங்களுக்கு பூஜை செய்ய ஒவ்வொருவருக்கும் உரிமை உள்ளது’ என தெரிவித்தார்.