ஜம்மு - காஷ்மீரில் 8 இடங்களில் என்ஐஏ சோதனை

புதுடெல்லி: ஜம்மு காஷ்மீரில் சிறுபான்மையினர் மற்றும் பாதுகாப்பு படையினரை குறிவைத்தும் சமூக நல்லிணக்கத்தை சீர்குலைக்கும் நோக்கத்துடனும் தடை செய்யப்பட்ட அமைப்புகள் தீவிரவாத சதித் திட்டம் தீட்டியதாக தேசியபுலனாய்வு அமைப்பு (என்ஐஏ)வழக்கு பதிவு செய்துள்ளது. இந்த வழக்கு தொடர்பாக கடந்த ஆண்டு டிசம்பர் 23-ம் தேதி காஷ்மீரில் குல்காம், புல்வாமா, அனந்த்நாக், சோப்போர், ஜம்மு ஆகிய மாவட்டங்களில் 14 இடங்களில் என்ஐஏ சோதனை நடத்தியது.

இந்நிலையில் ஜம்மு காஷ்மீரில் சந்தேகத்திற்குரிய நபர்களுக்கு சொந்தமான இடங்களில் என்ஐஏ நேற்று சோதனை நடத்தியது. 8 இடங்கில் நடந்த இந்த சோதனையில் டிஜிட்டல் சாதனங்கள், சிம் கார்டுகள், டிஜிட்டல் சேமிப்பு சாதனங்கள் உள்ளிட்டவற்றை என்ஐஏ கைப்பற்றியுள்ளது.