எதிர்க்கட்சிகளின் 'I.N.D.I.A' கூட்டணி முதல் செந்தில் பாலாஜி மேல்முறையீடு வரை: செய்தித் தெறிப்புகள் 10 @ ஜூலை 18, 2023

எதிர்க்கட்சிகள் கூட்டணியின் பெயர் ‘இந்தியா’: வரும் 2024-ம் ஆண்டு மக்களவைத் தேர்தலை எதிர்கொள்ளும் வகையில் பாஜகவுக்கு எதிராக வியூகம் அமைக்கவும், வலுவான முன்னணியை முன்வைக்கவும் பெங்களூருவில் கூடியுள்ள 26 எதிர்க்கட்சிகளின் கூட்டணிக்கு ‘INDIA’ (இந்தியா) என்ற பெயர் சூட்டப்பட்டுள்ளது.

இந்தக் கூட்டத்தில் கூட்டணிக்கு ஏற்கெனவே இருந்த யுபிஏ (UPA) ‘ஐக்கிய முற்போக்குக் கூட்டணி’ என்ற பெயருக்குப் பதிலாக புதிய பெயர்களை பரிந்துரைக்க திங்கள்கிழமை நடந்த இரவு விருந்தில் கட்சிகளுக்கு வேண்டுகோள் விடுக்கப்பட்டிருந்தது. அதன்படி, செவ்வாய்க்கிழமை நடந்த கூட்டத்தில் 4 புதிய பெயர்கள் பரிந்துரைக்கப்பட்டன. அதில், ‘INDIA’ என்று பெயர் வைக்கப்பட்டுள்ளது.