11 - டாக்டர் ராதாகிருஷ்ணன் நகர்

முதல்வர் ஜெயலலிதாவின் தொகுதி என்பதால் டாக்டர் ராதாகிருஷ்ணன் நகர் (ஆர்.கே.நகர்), தமிழகம் அறிந்த நட்சத்திர தொகுதியாக மாறியுள்ளது.

தண்டையார்பேட்டை, கொருக்குப்பேட்டை, பழைய வண்ணாரப்பேட்டை, புதிய வண்ணாரப்பேட்டை, கொடுங்கையூர், தண்டையார்பேட்டை, ராயபுரம் ஆகிய பகுதிகள் இந்த தொகுதியில் அடங்கியுள்ளன. இவை அனைத்தும் சென்னை மாநகரின் பின்தங்கிய பகுதிகளாகும்.

1977-ல் ஆர்.கே.நகர் தொகுதி உருவானது முதல் 2011 வரை நடைபெற்ற 9 தேர்தல்களில் அதிமுக 5 முறையும், திமுக, காங்கிரஸ் தலா 2 முறையும் வெற்றி பெற்றுள்ளன.

1977-ல் அதிமுக வேட்பாளர் ஐசரி வேலன் 28,416 வாக்குகள் பெற்று வெற்றி பெற்றார். அதிமுக அவைத் தலைவர் மதுசூதனன் 1991-ல் இங்கு 66,710 வாக்குகள் பெற்று வெற்றி பெற்றார். அதிமுக சார்பில் போட்டியிட்ட பி.கே. சேகர்பாபு 2001-ல் 74,888, 2006-ல் 84,462 வாக்குகள் பெற்று வெற்றி பெற்றார். தற்போது திமுக துணைப் பொதுச்செயலாளராக இருக்கும் எஸ்.பி.சற்குணபாண்டியன் 1989-ல் 54,216, 1996-ல் 75,125 வாக்குகள் பெற்று பெற்றுள்ளார்.

கடந்த 2011 தேர்தலில் வெற்றிவேல் (அதிமுக) 83,777 வாக்குகள் பெற்றி பெற்றார். பி.கே.சேகர்பாபு (திமுக) – 52,522, கே.ஆர்.விநாயகம் (பாஜக) 1,300 வாக்குளையும் பெற்றனர். திமுகவின் கோட்டையாக இருந்த சென்னையில் அதிமுகவுக்கு முதல் வெற்றியைத் தந்த தொகுதி ஆர்.கே.நகர் தொகுதி என்பது குறிப்பிடத்தக்கது.

2016 தேர்தலில் களம் காணும் வேட்பாளர்கள் விவரம்

தமிழகத்தின் மிகப்பெரிய மீன்பிடித் துறைமுகமான காசிமேடு துறைமுகம், இந்தியன் ஆயில் கார்ப்பரேஷன் (ஐ.ஓ.சி), சென்னை துறைமுக நிர்வாகத்தில் உள்ள விளையாட்டு மைதானம் ஆகியவை தொகுதியின் முக்கியமான இடங்கள். சென்னையின் மிகப் பழமையான பகுதி என்பதால் அனைத்து சமூகத்தினரும் இங்கு வசிக்கின்றனர். ஆனாலும் தலித்கள், மீனவர்கள் கணிசமான எண்ணிக்கையில் உள்ளனர். மக்களில் பெரும் பகுதியினர் தினக் கூலிகள்.

மக்கள் மிக நெருக்கமாக வசிக்கும் பகுதி என்பதால் போக்குவரத்து நெரிசலும், சுகாதார சீர்கேடுகளும் தொகுதியின் முக்கியப் பிரச்சினைகளாக உள்ளன. 300 ஏக்கர் பரப்பளவில் கொடுங்கையூரில் உள்ள குப்பை கிடங்கு இந்த தொகுதிக்குள் வருகிறது. இங்கு தினமும் 3 ஆயிரத்து 500 டன் குப்பைகள் கொட்டப்படுகின்றன. இதனால் இப்பகுதி மக்கள் பல்வேறு நோய்களுக்கு ஆளாகின்றனர். இது இத்தொகுதிக்கு மட்டுமல்ல, வட சென்னை மக்களுக்கே மிகப்பெரிய பிரச்சினையாக உள்ளது.

ஆர்.கே.நகரில் தற்போது 1 லட்சத்து 25 ஆயிரத்து 881 ஆண்கள், 1 லட்சத்து 29 ஆயிரத்து 229 பெண்கள், திருநங்கைகள் 88 பேர் என மொத்தம் 2 லட்சத்து 55 ஆயிரத்து 198 வாக்காளர்கள் உள்ளனர்.

29/04/2016-ன்படி வாக்காளர்கள் விவரம்:

2016 சட்டப் பேரவை தேர்தல்- வாக்கு விவரங்கள்

டாக்டர் ராதாகிருஷ்ணன் நகர் கடந்து வந்த தேர்தல்கள் (1977 – 2011 )

2006 - தேர்தல் ஒரு பார்வை

2011 - தேர்தல் ஒரு பார்வை