தேர்தல் முடிவுகள் 2014: பி.ஐ.பி. வலைத்தளத்தில் சிறப்புப் பக்கம்

மக்களவைத் தேர்தல் முடிவுகள் நாளை (வெள்ளிக்கிழமை) வெளியாவதையொட்டி, மத்திய அரசின் பத்திரிகைத் தகவல் அலுவலகம் (பி.ஐ.பி) தனது அதிகாரப்பூர்வ வலைத்தளத்தில் சிறப்புப் பக்கம் ஒன்றை உருவாக்கியிருக்கிறது.

இது தொடர்பாக வெளியிடப்பட்ட செய்திக் குறிப்பு:

பத்திரிகைத் தகவல் அலுவலகத்தின் வலைத்தளத்தின் மூலம் பொது தேர்தல் 2014-ன் முடிவுகள் வெளியிடப்படும்.

16-வது பொது தேர்தல், ஒன்பது கட்டமாக நாடு முழுவதும் நடைப்பெற்றது. இத்தேர்தலின் முடிவை இந்திய தேர்தல் ஆணையத்துடன் இணைந்து, பத்திரிகைத் தகவல் அலுவலகம் தனது சிறப்பு தேர்தல் வலைத்தளப் பக்கமான >http://www.pib.gov.in/elections2014/-ல் வெளியிடும்.

இந்தச் சேவை 16 மே 2014 காலை 8:00 மணியிலிருந்து தொடங்கும். வலைத்தளத்தைத் தவிர, தேர்தல் முடிவுகள் பத்திரிகைத் தகவல் அலுவலகத்தின் ட்விட்டர் முகவரியான @PIB_India-யிலும் காணலாம் என்று அந்தச் செய்திக் குறிப்பு தெரிவிக்கிறது.