10, 12-ம் வகுப்பு பொதுத் தேர்வு: ஐடிஐ முடித்த மாணவர்கள் விண்ணப்பிக்க அழைப்பு

சென்னை: தமிழகத்தில் 10, 12-ம் வகுப்புபொதுத் தேர்வு எழுத விரும்பும் ஐடிஐ பயின்ற மாணவர்கள் இன்று (டிச.26) முதல் விண்ணப்பிக்கலாம்.

தமிழகத்தில் தொழிற் பயிற்சி நிலையங்களில் (ஐடிஐ) படிப்பவர்களுக்கு 10 மற்றும் 12-ம் வகுப்புக்கு இணையான சான்றிதழ் தரப்படும் என்று தமிழக அரசு அறிவித்துள்ளது.

அதன்படி 8-ம் வகுப்புக்கு பிறகு ஐடிஐகளில் சேர்ந்து படிப்பை முடிப்பவர்களுக்கு 10-ம் வகுப்புக்கு இணையான கல்விச் சான்றிதழும், 10-ம் வகுப்புக்கு பிறகு ஐடிஐகளில் படிப்பை முடிப்பவர்களுக்கு பிளஸ் 2 வகுப்புக்கான கல்விச் சான்றிதழும் பள்ளிக்கல்வித் துறை மூலம் அளிக்கப்படும். அதேநேரம், ஐடிஐ முடித்தவர்கள் மொழிப் பாடங்களில் தேர்ச்சி அடைய வேண்டும்.

அதன்படி, 10, 12-ம் வகுப்புக்கான பொதுத் தேர்வு மார்ச்சில் நடக்க உள்ளது. எனவே, 8, 10-ம்வகுப்பு தேர்ச்சி பெற்று பின்னர் ஐடிஐ படித்தவர்கள் தமிழ், ஆங்கிலப் பாடத் தேர்வில் பங்கேற்க தனித்தேர்வர்களாக இன்று (டிச. 26) முதல் ஜன.3-ம் தேதிக்குள் அரசு சேவை மையங்களில் விண்ணப்பிக்க வேண்டும்.

கூடுதல் விவரங்களை www.dge.tn.gov.in என்ற இணையதளத்தில் மாணவர்கள் அறிந்து கொள்ளலாம் என்று தேர்வுத்துறை தெரிவித்துள்ளது.