இக்னோ பல்கலைக்கழகத்தில் மாணவர் சேர்க்கைக்கு அவகாசம் நீட்டிப்பு

சென்னை: இந்திரா காந்தி தேசிய திறந்தநிலைப் பல்கலைக்கழகத்தில் இளநிலை பட்டப் படிப்புக்கு விண்ணப்பிக்க கால அவகாசம் நீட்டிக்கப்பட்டுள்ளது.

இந்திரா காந்தி தேசியதிறந்தநிலை பல்கலைக்கழகத்தில் ஜூலை 2022-ம் ஆண்டு பருவத்துக்கான இளநிலை பட்டப்படிப்பு, சான்றிதழ் படிப்புக்கு மாணவர் சேர்க்கை நடைபெற்று வருகிறது. மாணவர் சேர்க்கைக்கு இணையதளத்தில் விண்ணப்பிக்க ஆகஸ்ட் 8-ம் தேதிகடைசி நாளாக அறிவிக்கப்பட்டிருந்தது. பின்னர், ஆக. 25-ம் தேதிவரை கால அவகாசம் நீட்டிக்கப்பட்டது.

இந்நிலையில், மாணவர் சேர்க்கைக்கான கடைசி தேதியைசெப். 22 வரை நீட்டித்து அறிவிப்பு வெளியிட்டுள்ளது. http://ignouadmission.samarth.edu.in என்ற இணையதளம் வழியாக மாணவர்கள் விண்ணப்பிக்கலாம் என்றும், குறிப்பிட்ட சில இளநிலைப் பட்டம், பட்டயம்மற்றும் சான்றிதழ் படிப்புகளுக்குவிண்ணப்பிக்கும் தகுதியுடையஎஸ்.சி., எஸ்.டி. விண்ணப்பதாரர்களுக்கு கட்டண விலக்கு அளிக்கப்படும் எனவும் பல்கலைக்கழக நிர்வாகம் தெரிவித்துள்ளது.