1 முதல் 9-ம் வகுப்புகளுக்கு நாளை முதல் கோடை விடுமுறை

சென்னை: தமிழகத்தில் 1 முதல் 9-ம் வகுப்பு வரை பயிலும் மாணவர்களுக்கு நாளை (மே 14) முதல் கோடை விடுமுறை விடப்படுகிறது.

தமிழகத்தில் 1 முதல் 9-ம் வகுப்பு பயிலும் மாணவர்களுக்கான ஆண்டு இறுதித்தேர்வு மே 5-ம் தேதி தொடங்கி நடைபெற்று வருகிறது.

கடைசி நாளான இன்று (மே 13) உடற்கல்வி தேர்வு நடத்தப்பட உள்ளது. அதன்பின் மாணவர்களுக்கு நாளை முதல் (மே 14) ஜூன் 12-ம் தேதி வரை கோடை விடுமுறை வழங்கப்படுகிறது. ஜூன் 13-ம் தேதி பள்ளிகள் மீண்டும் திறக்கப்படும். கோடை விடுமுறையில் விருப்பப்படும் மாணவர்கள், அவரவர் வீடுகளின் அருகில் உள்ள இல்லம் தேடி கல்வி மையங்களில் நடைபெறும் சிறப்பு வகுப்புகளில் பங்கேற்கலாம் என்று பள்ளிக் கல்வித் துறை அதிகாரிகள் தெரிவித்தனர்.