ஓசூரில் மாடியில் இருந்து தவறி விழுந்ததில் வடமாநில தொழிலாளி உயிரிழப்பு

ஓசூர்: ஓசூரில் மாடியிலிருந்து தவறி கீழே விழுந்ததில் வடமாநிலத் தொழிலாளி உயிரிழந்தார். அசாம் மாநிலத்தைச் சேர்ந்தவர் மிதுன்ராய் (24). இவர் ஓசூர் சிப்காட் கோவிந்த அக்ரஹாரம் பகுதியில் தங்கி தனியார் நிறுவனத்தில் பணிபுரிந்து வந்தார்.

நேற்று முன்தினம் அதிகாலை அவர் தங்கியிருந்த மாடியின் 3-வது தளத்தில் நின்று செல்போனில் பேசிக் கொண்டிருந்தார்.

அப்போது, எதிர்பாராதவிதமாக அவர் தவறி கீழே விழுந்தார். இதில், சம்பவ இடத்திலேயே அவர் உயிரிழந்தார். இதுதொடர்பாக ஓசூர் சிப்காட் போலீஸார் வழக்குப் பதிவு செய்து விசாரணை நடத்தி வருகின்றனர்.