அஞ்செட்டி ஆட்டோ ஓட்டுநர் கொலை வழக்கு - 3 சிறுவர்கள் உட்பட 4 பேர் கைது

ஓசூர்: அஞ்செட்டியில் ஆட்டோ ஓட்டுநர் கொலை வழக்கில், 3 சிறுவர்கள் உட்பட 4 பேரை போலீஸார் கைது செய்தனர்.

தேன்கனிக்கோட்டை அருகே உள்ள அஞ்செட்டி யாரப் நகர் மசூதி தெருவைச் சேர்ந்தவர் முரளி (37). ஆட்டோ ஓட்டுநரான இவர் அக். 20-ம் தேதி மர்ம நபர்களால் வெட்டிக் கொலை செய்யப்பட்டார். இது தொடர்பாக அஞ்செட்டி போலீஸார் வழக்குப் பதிவு செய்து விசாரித்தனர்.

விசாரணையில், நிலப் பிரச்சினையில் முரளியை கொலை செய்த அவரது தம்பி தேவராஜ் (35) மற்றும் அவரது நண்பரான சின்னமேனகரம் அசோக் (28) ஆகியோரை கைது செய்தனர். மேலும், சிலரை தேடி வந்தனர்.

இந்நிலையில், இவ்வழக்கில் ஓசூர் அந்திவாடியைச் சேர்ந்த மதுபாலன் (19) மற்றும் 17 வயது சிறுவர்கள் 3 பேரை நேற்று இன்ஸ்பெக்டர் நாகராஜ் தலைமையிலான தனிப்படை போலீஸார் கைது செய்தனர்.