பெங்களூரு தனியார் நிறுவன வங்கி கணக்கில் ரூ.12 கோடி மோசடி: குஜராத்தில் 4 பேர் கைது

பெங்களூரு: கர்நாடக மாநிலம் பெங்​களூருவை தலைமை​யிடமாக கொண்டு, ‘டிரீம்​பிளக் பேடெக் சொலூஷன்ஸ் பிரைவேட் லிமிடெட்’ நிறு​வனம் செயல்​படு​கிறது. இந்நிறு​வனம் ஆக்சிஸ் வங்கி​யில் கணக்கு வைத்​துள்ளது. இந்நிலை​யில், டிரீம்​பிளக் நிறு​வனத்​தின் செயல் அதிகாரி நரசிம்ம வசந்த் சாஸ்​திரி போலீ​ஸில் அளித்த புகாரில் கூறி​யிருப்​ப​தாவது: டிரீம்​பிளக் நிறு​வனம் ஆக்சிஸ் வங்கி​யில் வைத்​துள்ள 2 கணக்​கு​களில் இருந்து ரூ.12 கோடி பரிமாற்றம் செய்​யப்​பட்​டுள்​ளது.டிரீம்​பிளக் நிறு​வனத்​தின் முக்கிய தகவல்களை ஆக்சிஸ் வங்கி​யில் கொடுத்து புது ஐடி, இ மெயில் ஐ.டி. போன்ற​வற்றுக்கான அனு மதி பெறப்​பட்​டுள்​ளது. வங்கிக்கு 2 ஐடி மற்றும் 2 இ மெயில்கள் மூலம்​தான் பணப் பரிவர்த்தனை நடைபெறும்.

செல்போன், மெயில் முகவரி: ஆனால், போலி ஆவணங்கள் மூலம் கூடுதலாக 2 செல்​போன் எண்கள், இ மெயில் முகவரிகள் வங்கி​யில் மாற்​றப்​பட்​டுள்ளன. ஓடிபி.​யும் அவர்கள் மாற்றிய செல்​போன், இ மெயில்​களுக்கு சென்​றுள்ளன. பெங்​களூரு​வில் உள்ள ஆக்சிஸ் வங்கி​யில் எங்கள் நிறு​வனம் கணக்கு வைத்​துள்ளது. ஆனால், பெங்​களூரு​வில் எங்கள் நிறு​வனம் இருக்​கும்​போது, குஜராத் மாநிலத்​தின் அங்கலேஸ்வர் மற்றும் அப்ரமா ஆகிய 2 நகரங்​களில் உள்ள ஆக்சிஸ் வங்கி கிளைகள் அனுமதி வழங்கி உள்ளன. இதுகுறித்து விசாரணை நடத்தி நடவடிக்கை எடுக்க வேண்​டும். இவ்வாறு டிரீம்​பிளக் நிறுவன அதிகாரி நரசிம்ம வசந்த் சாஸ்​திரி புகாரில் கூறி​யிருந்​தார்.

இதுகுறித்து கர்நாடக போலீ​ஸார் வழக்​குப் பதிவு செய்து தீவிர விசாரணை நடத்​தினர். பின்னர் குஜராத் மாநிலம் ராஜ்கோட்​டில் ஆக்சிஸ் வங்கி மக்கள் தொடர்பு துறை மேலாளர் வைபவ் பிதாடியா (29), சூரத்தை சேர்ந்த வங்கி ஏஜென்ட் நேகா பென் விபுல்​பாய் (26), இன்சூரன்ஸ் ஏஜென்​டும் வைபவின் சக ஊழியருமான சைலேஷ் (29), ராஜ்கோட்டை சேர்ந்த கமிஷன் ஏஜென்ட் சுபம் (26) ஆகிய 4 பேரை கர்நாடக போலீ​ஸார் கைது செய்​தனர். இதுகுறித்து போலீ​ஸார் கூறுகை​யில், “டிரீம்​பிளக் நிறுவன வங்கிக் கணக்​கு​களில் இருந்து எடுக்​கப்​பட்ட பணம் நாடு முழு​வதும் உள்ள பல்வேறு வங்கிக் கணக்​கு​களுக்கு மாற்​றப்​பட்​டுள்​ளது. அந்தப் பணம் எங்​கெங்கு சென்​றுள்ளது என்று ​விசாரணை நடத்தி வரு​கிறோம். அத்​துடன், நிறு​வனத்​தின் தகவல்களை சரிபார்ப்​ப​தில் ஆக்​சிஸ் வங்கி எப்படி அலட்​சி​யமாக இருந்தது என்பது குறித்​தும் ​விசாரணை நடைபெறுகிறது” என்​றனர்​.