குடும்ப பிரச்சினையில் விபரீத முடிவு: நாமக்கல் அருகே ஒரே குடும்பத்தை சேர்ந்த 3 பேர் தற்கொலை

நாமக்கல்: குடும்பப் பிரச்​சினை காரணமாக நாமக்கல் அருகே பெற்​றோர் மற்றும் மகன் தூக்​கிட்டுத் தற்கொலை செய்து கொண்டது தொடர்பாக போலீ​ஸார் விசா​ரித்து வருகின்​றனர்.

நாமக்கல் மாவட்டம் அ.வாழ​வந்தி கிராமத்​தைச் சேர்ந்​தவர் செல்​வ​ராஜ் (55). தொழிலாளி. இவரது மனைவி பூங்​கொடி (50). இவர்​களது மகன் சுரேந்​திரன் (25), கோவை​யில் உள்ள ஹோட்​டலில் பணிபுரிந்து வந்தார். இவருக்கு கடந்த 6 மாதங்​களுக்கு முன்னர், வேட்​டாம்​பாடியைச் சேர்ந்த சினேகா (23) என்பவருடன் திரு​மணம் நடந்​தது.

இந்நிலை​யில், சுரேந்​திரன்​-சினேகா தம்ப​திக்​கிடையே அடிக்கடி தகராறு ஏற்பட்டு வந்தது. இதனால் கணவரைப் பிரிந்த சினேகா, தனது பெற்​றோர் வீட்டுக்​குச் சென்​று​விட்​டார். இதனால் மனமுடைந்த நிலை​யில் இருந்த சுரேந்​திரன், தான் தற்கொலை செய்து கொள்ளப் போவதாக வீடியோ பதிவு செய்து, கோவை​யில் உள்ள உறவினரின் வாட்​ஸ்​-அப் எண்ணுக்கு நேற்று முன்​தினம் அனுப்​பி​யுள்​ளார். நேற்று காலை இந்த வீடியோவைப் பார்த்த சுரேந்​திரனின் உறவினர், உடனடியாக போலீ​ஸாருக்​குத் தகவல் அளித்​தார்.

இதையடுத்து, சுரேந்​திரன் வீட்டுக்கு போலீ​ஸார் சென்று பார்த்த​போது, சுரேந்​திரன், அவரது பெற்​றோர் செல்​வ​ராஜ், பூங்​கொடி ஆகியோர் தனித்​தனியாக தூக்​கிட்ட நிலை​யில் இறந்து கிடந்​தனர். 3 பேரின் உடல்​களை​யும் மீட்ட போலீ​ஸார், பிரேதப் பரிசோதனைக்காக நாமக்கல் அரசு மருத்​துவக் கல்லூரி மருத்​துவ​மனைக்கு அனுப்பி வைத்​தனர். மேலும், இது தொடர்பாக வழக்​குப் பதிவு செய்து விசாரணை நடத்​தினர்.

முதல்​கட்ட விசா​ரணை​யில், தனிக்​குடித்​தனம் செல்​வ​தில் ஏற்பட்ட பிரச்​சினை​யில் சுரேந்​திரன் தற்கொலை செய்து கொண்​டதும், இதனால் அதிர்ச்​சி​யடைந்த பெற்​றோரும் தூக்​கிட்டுத் தற்கொலை செய்து கொண்​டதும் தெரிய​வந்​தது. இருப்​பினும், தற்கொலைக்கு வேறு காரணம் எதுவும் உண்டா என்றும் போலீ​ஸார் விசா​ரித்து வருகின்​றனர். ஒரே குடும்பத்​தில் 3 பேர் தற்​கொலை செய்து ​கொண்டது அப்​பகுதியில் சோகத்தை ஏற்​படுத்​தி​யுள்​ளது.