சென்னை: தமிழகத்தில் இன்று ஆண்கள் 1,304 பெண்கள் 1,036 என மொத்தம் 2,340 பேர் கரோனா தொற்றால் பாதிக்கப்பட்டுள்ளனர். அதிகபட்சமாக சென்னையில் 607 பேர் தொற்றால் பாதிக்கப்பட்டுள்ளனர். இதன் மூலம் தமிழகத்தில் பாதிப்பு எண்ணிக்கை 35 லட்சத்து 15,461 ஆக அதிகரித்துள்ளது.
இதுவரை 34 லட்சத்து 60,204 பேர் குணமடைந்துள்ளனர். இன்று மட்டும் 2,599 பேர் குணமடைந்து வீடுகளுக்கு சென்றனர். தமிழகம் முழுவதும் 17,228பேர் சிகிச்சையில் உள்ளனர். இன்று நோய்த்தொற்று காரணமாக உயிரிழப்பு எதுவும் ஏற்படவில்லை.
தமிழகத்தில் நேற்று கரோனா தொற்று பாதிப்பு 2,312 ஆகவும், சென்னையில் 618 ஆகவும் இருந்தது குறிப்பிடத்தக்கது. கடந்த சில நாட்களாக கரோனா தொற்று பாதிப்பு சற்றே குறைந்து வருந்த நிலையில் இன்று பாதிப்பு சற்று அதிகரித்துள்ளது.
முன்னதாக, இன்று காலை நேர நிலவரப்படி இந்தியாவில் புதிதாக 20,044 பேர் கரோனா தொற்று பாதிப்புக்கு ஆளாகியுள்ளதாக மத்திய சுகாதாரத் துறை தெரிவித்துள்ளது.
» தமிழகத்தில் புதிதாக 2,312 பேருக்கு கரோனா; ஒருவர் உயிரிழப்பு
» தமிழகத்தில் புதிதாக 2,283 பேருக்கு கரோனா; சென்னையில் 682 பேருக்கு பாதிப்பு
1,40,760 பேர் நோய் தொற்று பாதிப்புடன் சிகிச்சை பெற்று வருகின்றனர். 18,301 பேர் கடந்ந 24 மணி நேரத்தில் தொற்று பாதிப்பில் இருந்து மீண்டுள்ளதாக தெரிவிக்கப்பட்டுள்ளது. ஒட்டு மொத்தமாக நாட்டில் 199.71கோடி தடுப்பூசி டோஸ்கள் செலுத்தப்பட்டுள்ளதாக தெரிவிக்கப்பட்டுள்ளது.