கார்த்திக் - கவுதம் கார்த்திக் இணையும் Mr. சந்திரமெளலி

திரு இயக்கத்தில் கார்த்திக் - கவுதம் கார்த்திக் இணைந்து நடிக்கவுள்ள படத்துக்கு 'Mr. சந்திரமெளலி' என தலைப்பிட்டு இருக்கிறார்கள்.

திரு இயக்கத்தில் கார்த்திக் மற்றும் கவுதம் கார்த்திக் இணைந்து நடிக்கவுள்ள படத்துக்கு 'Mr. சந்திரமெளலி' என் தலைப்பிட்டு இருக்கிறார்கள். இத்தலைப்பை சிவகார்த்திகேயன் தனது ட்விட்டர் பக்கத்தில் வெளியிட்டு இருக்கிறார். இப்படத்தின் படப்பிடிப்பு நவம்பர் மாதம் முதல் தொடங்க உள்ளது.

கார்த்திக், கவுதம் கார்த்திக், ரெஜினா, வரலெட்சுமி சரத்குமார், சதீஷ் உள்ளிட்ட பலர் ஒப்பந்தம் செய்யப்பட்டு இருக்கிறார்கள். கவுதம் கார்த்திக் தன் தந்தையுடன் நடிக்கும் முதல் படம் இது.

மேலும், இப்படத்தின் தொழில்நுட்ப கலைஞர்களைத் தேர்வு செய்யும் பணிகள் தீவிரமாக நடைபெற்று வருகின்றன. திரைப்படம், தொலைக்காட்சி மற்றும் இணையதள மீடியாக்களில் கால் பாதிக்கும் பாஃப்டா மீடியா ஒர்க்ஸ் இந்தியா என்ற புதிய மீடியா நிறுவனத்திற்காக கிரியேட்டிவ் என்டர்டெய்னர்ஸ் & டிஸ்ட்ரிபியூட்டர்ஸ் இத்திரைப்படத்தை தயாரிக்கிறது.