ஏ.எல்.விஜய் இயக்கத்தில் பிரபுதேவா - ஐஸ்வர்யா ராஜேஷ்

ஏ.எல்.விஜய் இயக்கத்தில் உருவாகவுள்ள புதிய படத்தில் பிரபுதேவா மற்றும் ஐஸ்வர்யா ராஜேஷ் நடிக்கவுள்ளார்கள்.

ஏ.எல்.விஜய் இயக்கத்தில் பிரபுதேவா நடித்து, தயாரித்த படம் 'தேவி'. வசூல் ரீதியில் இப்படத்துக்கு பெரும் வரவேற்பு பெற்றது. தற்போது இக்கூட்டணி மீண்டும் இணைந்து பணிபுரியவுள்ளது.

இப்புதிய படத்துக்கான பூஜை சமீபத்தில் நடைபெற்றது. பிரபுதேவாவுடன் ஐஸ்வர்யா ராஜேஷ் மற்றும் கருணாகரன் நடிக்க ஒப்பந்தம் செய்யப்பட்டுள்ளார்கள். தமிழ் மற்றும் தெலுங்கு என இருமொழிகளிலும் இப்படம் உருவாகவுள்ளது.

ஒளிப்பதிவாளராக நீரவ் ஷா, இசையமைப்பாளராக சாம், எடிட்டராக ஆண்டனி ஆகியோர் ஒப்பந்தம் செய்யப்பட்டுள்ளார்கள். பிரமோத் பிலிம்ஸ் மற்றும் ட்ரைடெண்ட் ஆர்ட்ஸ் இணைந்து இதனை தயாரிக்கவிருக்கிறார்கள்.

தற்போது 'கரு' படத்தின் இறுதிகட்டப் பணிகளில் கவனம் செலுத்தி வருகிறார் ஏ.எல்.விஜய். அதனை முடித்துவிட்டு இப்புதிய படத்தின் படப்பிடிப்புப் பணிகளை மேற்கொள்வார் என தெரிகிறது.