சாமி 2வில் விக்ரமுடன் நடிக்கவிருப்பவர்கள் யார்? - படக்குழு அறிவிப்பு

ஹரி இயக்கத்தில் உருவாகவுள்ள 'சாமி 2' படத்தில் விக்ரமுடன் நடிக்கவிருப்பவர்கள் பட்டியலை படக்குழு அதிகாரபூர்வமாக அறிவித்துள்ளது.

'துருவ நட்சத்திரம்' மற்றும் 'ஸ்கெட்ச்' ஆகிய படங்களைத் தொடர்ந்து 'சாமி 2'வில் கவனம் செலுத்தவிருக்கிறார் விக்ரம். இப்படத்துக்கான முதற்கட்ட பணிகளை தீவிரப்படுத்தியுள்ளது படக்குழு.

செப்டம்பர் முதல் இதன் படப்பிடிப்பு தொடங்கவுள்ளார்கள். இப்படத்தில் விக்ரமுடன் த்ரிஷா, கீர்த்தி சுரேஷ், பாபி சிம்ஹா, பிரபு, சூரி ஆகியோர் ஒப்பந்தம் செய்யப்பட்டு இருக்கிறார்கள். தேவி ஸ்ரீபிரசாத் இசையமைப்பாளராகவும், ப்ரியன் ஒளிப்பதிவாளராகவும், மிலன் கலை இயக்குநராகவும், கனல் கண்ணன் சண்டை வடிவமைப்பாளராகவும் ஒப்பந்தம் செய்யப்பட்டுள்ளதாக படக்குழு அதிகாரபூர்வமாக அறிவித்திருக்கிறது.

ஹரி இயக்கவுள்ள இப்படத்தை ஷிபு தமீன்ஸ் பெரும் பொருட்செலவில் தயாரிக்கவிருக்கிறார்.