அக்டோபர் 18-ல் வெளியாகிறது ஸ்கெட்ச் டீஸர்

விஜய் சந்தர் இயக்கத்தில் விக்ரம் நடித்திருக்கும் 'ஸ்கெட்ச்' படத்தின் டீஸர் அக்டோபர் 18-ம் தேதி வெளியாகும் என படக்குழு அறிவித்திருக்கிறது.

விஜய் சந்தர் இயக்கத்தில் உருவாகி வரும் 'ஸ்கெட்ச்' படத்தின் இறுதிகட்டப் படப்பிடிப்பு முடிவுற்று, இறுதிகட்டப் பணிகள் தீவிரப்படுத்தப்பட்டுள்ளது. இப்படத்தின் டீஸர் அக்டோபர் 18-ம் தேதி மாலை 6 மணிக்கு வெளியாகும் என படக்குழு அறிவித்துள்ளது.

விஜய் சந்தர் இயக்கத்தில் விக்ரம், தமன்னா, ஸ்ரீப்ரியங்கா, ராதாரவி, வேல ராமமூர்த்தி, சூரி, ஸ்ரீமன் உள்ளிட்ட பலர் நடித்திருக்கிறார்கள். தமன் இசையமைப்பாளராக பணிபுரிந்து வரும் படத்துக்கு சுகுமார் ஒளிப்பதிவு செய்திருக்கிறார்.

டீஸர் வெளியீடு முடிந்து அடுத்த சில நாட்களில் ட்ரெய்லர் மற்றும் பாடல்களை வெளியிட்டு படத்தின் விளம்பரப்படுத்தும் பணிகளைத் துவங்க படக்குழு முடிவு செய்துள்ளது.