சசி - ஜி.வி.பிரகாஷ் இணையும் ரெட்டை கொம்பு

சசி இயக்கத்தில் ஜி.வி.பிரகாஷ் நடிக்கவுள்ள புதிய படத்திற்கு 'ரெட்டை கொம்பு' என பெயரிட்டு இருக்கிறார்கள்.

'அடங்காதே' மற்றும் 'ஐங்கரன்' படத்தின் இறுதிக்கட்டப் படப்பிடிப்பில் கவனம் செலுத்தி வருகிறார் ஜி.வி.பிரகாஷ். இவ்விரண்டு படங்களைத் தொடர்ந்து '100% காதல்' படத்தில் கவனம் செலுத்த திட்டமிட்டு இருக்கிறார்கள்.

அப்படத்தின் படப்பிடிப்பு இடையே, சசி இயக்கத்தில் உருவாகவுள்ள புதிய படத்திலும் நடிக்கவிருக்கிறார். இதற்கு 'ரெட்டை கொம்பு' என பெயரிடப்பட்டுள்ளது. இதில் சித்தார்த்தும் முக்கிய கதாபாத்திரத்தில் நடிக்கவுள்ளார்.

தேனாண்டாள் பிலிம்ஸ் தயாரிக்கவுள்ள இப்படத்துக்கு இசையமைக்கவிருக்கிறார் ஜி.வி.பிரகாஷ். இதில் நடிக்கவுள்ள இதர நடிகர்கள் மற்றும் தொழில்நுட்ப கலைஞர்கள் தேர்வு தற்போது மும்முரமாக நடைபெற்று வருகிறது.